മെക്‌സിക്കോയിലെ ചിയാപാസ്   സംസ്ഥാനത്ത് വർദ്ധിച്ചുവരുന്ന സംഘടിത കുറ്റകൃത്യങ്ങളിലും അക്രമങ്ങളിലും ശക്തമായ പ്രതിഷേധവുമായി കത്തോലിക്കാ മെത്രാന്മാർ

മെക്‌സിക്കോയിലെ ചിയാപാസ്   സംസ്ഥാനത്ത് വർദ്ധിച്ചുവരുന്ന സംഘടിത കുറ്റകൃത്യങ്ങളിലും അക്രമങ്ങളിലും ശക്തമായ പ്രതിഷേധവുമായി കത്തോലിക്കാ മെത്രാന്മാർ രംഗത്തെത്തി. പ്രശസ്തമായ 'ഔവർ ലേഡി ഓഫ് ഗ്വാഡലൂപ്പ' ബസിലിക്കയിലേക്കുള്ള വാർഷിക തീർത്ഥാടനത്തോടനുബന്ധിച്ച് സംയുക്തമായി പുറപ്പെടുവിച്ച സന്ദേശത്തിലാണ് മെത്രാന്മാർ അക്രമികൾക്കെതിരെ കടുത്ത ഭാഷയിൽ പ്രതികരിച്ചത്.  . ടക്സ്തല ഗുട്ടറസ് അതിരൂപത, സാൻ ക്രിസ്റ്റോബൽ ഡി ലാസ് കാസാസ് രൂപത, താപാചുല രൂപത എന്നിവയുൾപ്പെടുന്ന ചിയാപാസ് പ്രവിശ്യയിലെ ബിഷപ്പുമാരാണ് സമാധാനത്തിനായി ഈ സംയുക്ത പ്രഖ്യാപനം നടത്തിയത്.