കായംകുളം കറ്റാനത്ത് വന്‍ തീപിടിത്തം;
വസ്ത്രവ്യാപാര ശാലയും ജിമ്മും കത്തിനശിച്ചു

ആലപ്പുഴ: കായംകുളം കറ്റാനത്ത് വന്‍ തീപിടിത്തം. വസ്ത്രവ്യാപാര ശാലയും ജിമ്മും കത്തി നശിച്ചു. കറ്റാനം ജങ്ഷന് സമീപമുള്ള കെപി റോഡില്‍ പ്രവര്‍ത്തിക്കുന്ന വാണിജ്യ സമുച്ചയത്തിലേക്കാണ് തീ പടര്‍ന്നത്. എങ്ങനെയാണ് തീപിടുത്തമുണ്ടായതെന്ന കാര്യത്തില്‍ വ്യക്തത വന്നിട്ടില്ല. ഫയര്‍ഫോഴ്‌സെത്തി തീ അണയ്ക്കാനുള്ള ശ്രമങ്ങള്‍ തുടരുന്നു. രാത്രി എട്ടരയ്ക്കായിരുന്നു സംഭവം. 

കെട്ടിടത്തിനുള്ളില്‍ ആളുകള്‍ ഉള്ളതായി സംശയമുണ്ട്. രക്ഷാപ്രവര്‍ത്തനത്തിന് ഉള്ളിലേക്ക് കയറാന്‍ കഴിഞ്ഞിട്ടില്ല. സമീപത്തെ കടകളിലേക്കും തീ പടരുകയാണ്. രണ്ട് നില കെട്ടിടത്തിലാണ് തീ പടര്‍ന്നത്. മുകളില്‍ ജിമ്മും താഴെ വസ്ത്രവ്യാപാര സ്ഥാപനവുമാണ് പ്രവര്‍ത്തിച്ചിരുന്നത്.