ലഹരിവിരുദ്ധ പ്രവര്‍ത്തന അവാര്‍ഡ് മാനന്തവാടി രൂപതയ്ക്ക്
Jul 26, 2025, 20:05 IST
മാനന്തവാടി: കെസിബിസി മദ്യവിരുദ്ധ സംസ്ഥാന സമിതി ഏര്‍പ്പെടുത്തിയ മികച്ച ലഹരിവിരുദ്ധ പ്രവര്‍ത്തനങ്ങള്‍ നടത്തിയ രൂപതയ്ക്കുള്ള അവാര്‍ഡ് മാനന്തവാടി രൂപത കരസ്ഥമാക്കി. കേരളത്തിലെ സീറോ മലബാര്‍, സീറോ മലങ്കര, ലത്തീന്‍ രൂപതകളില്‍ നിന്നാണ് മാനന്തവാടി തെരഞ്ഞെടുക്കപ്പെട്ടത്.
എറണാകുളം പാസ്റ്ററല്‍ ഓറിയന്റേഷന്‍ സെന്ററില്‍ നടന്ന മദ്യവിരുദ്ധ സമിതി സംസ്ഥാന പ്രതിനിധി സമ്മേളനത്തില്‍ മാര്‍ സെബാസ്റ്റ്യന്‍ വാണിയപ്പുരയ്ക്കല്‍ അവാര്‍ഡ് കൈമാറി. സംസ്ഥാന നേതാക്കള്‍, രൂപതയില്‍നിന്നുള്ള പ്രതിനിധികള്‍ എന്നിവര്‍ സമ്മേളനത്തില്‍ പങ്കെടുത്തു.