കുട്ടനാടിന് പ്രാദേശിക അവധി: എഴുന്നേറ്റുനിന്ന് മൈക്കിലൂടെ പറഞ്ഞതുമാത്രമേ സഭാ രേഖകളില് ഉള്പ്പെടുകയുള്ളു. സീറ്റില് ഇരുന്ന് പറഞ്ഞത് ഓഫ് ദ റെക്കോര്ഡാണെന്നും സ്പീക്കര്
തിരുവനന്തപുരം: മുഖ്യമന്ത്രി വി.ഡി. സതീശന് നെഗറ്റീവായി പ്രതികരിക്കുന്ന വ്യക്തിയല്ലെന്ന് സ്പീക്കര്. എഴുന്നേറ്റുനിന്ന് പറയുന്നത് മാത്രമായിരിക്കും സഭാ രേഖകളിലുണ്ടാകുക. ഇരുന്ന് പറയുന്നതെല്ലാം 'ഓഫ് ദ റെക്കോര്ഡ്' ആണ്.
കുട്ടനാടിന് അവധി പ്രഖ്യാപിക്കണമെന്ന ആവശ്യത്തോടുള്ള മുഖ്യമന്ത്രിയുടെ പ്രതികരണത്തെക്കുറിച്ച് വിശദീകരിക്കുകയായിരുന്നു സ്പീക്കര്. വള്ളംകളിക്ക് കുട്ടനാട് താലൂക്കില് അവധി നല്കുന്നതില് മുഖ്യമന്ത്രി നിയമസഭയില് നല്കിയ മറുപടിയാണ് വിവാദത്തിലായത്.
അവധി അനുവദിക്കുന്ന കാര്യം പരിഗണിക്കുമെന്നാണ് മുഖ്യമന്ത്രി വി.ഡി. സതീശന് മറുപടി നല്കിയതെങ്കിലും, മറുപടിക്ക് ശേഷം സീറ്റില് ഇരിക്കുമ്പോള് 'ഒരു കാരണവശാലും കൊടുക്കില്ല' എന്ന് പറഞ്ഞത് മൈക്കിലൂടെ പുറത്തുവന്നിരുന്നു. ഇത് ഇടതു എം.എല്.എമാര് സമൂഹമാധ്യമത്തിലൂടെ പ്രചരിപ്പിക്കുകയും ചെയ്തു. വീര്യം കുറഞ്ഞ മദ്യത്തിന്റെ കാര്യത്തില് യു.ഡി.എഫ് തീരുമാനമെടുക്കട്ടെയെന്ന് സ്പീക്കര് പറഞ്ഞു. മുന്നണിയിലെ അതൃപ്തിയെക്കുറിച്ച് ഇപ്പോള് പറയാനില്ല.
അതേസമയം, വി.എം. സുധീരനെതിരെ ഒളിയമ്പുമായി മുന് മന്ത്രി കെ. ബാബു രംഗത്തെത്തി. യു.ഡി.എഫില് മദ്യനയം നിശ്ചയിക്കുന്നതും എക്സൈസ് വകുപ്പ് ഭരിക്കുന്നതും വലിയ ബുദ്ധിമുട്ടുള്ള കാര്യമാണ്. ഓരോരുത്തര്ക്കും ഓരോ നയം. വാളെടുത്തവരെല്ലാം വെളിച്ചപ്പാടാണ്.
ബജറ്റ് തയാറാക്കുമ്പോള് ധനകാര്യ വകുപ്പ് മന്ത്രി മുഖ്യമന്ത്രിയെ മാത്രം കാര്യങ്ങള് ധരിപ്പിച്ചാല് മതി. ഇവിടെ ധനകാര്യ മന്ത്രിയും മുഖ്യമന്ത്രിയും ഒരാള് തന്നെയാണ്. അതിനാല് ബജറ്റിലെ നികുതി നിര്ദേശങ്ങള് ചര്ച്ച ചെയ്തില്ലെന്ന് പറയുന്നതില് കഴമ്പില്ലെന്നും കെ. ബാബു പറഞ്ഞു.
മൂലം വള്ളംകളിക്ക് കുട്ടനാടിന് പ്രാദേശിക അവധി നല്കണമെന്ന കുട്ടനാട് എം.എല്.എയുടെ ആവശ്യത്തിന് നിയമസഭയില് ഒരു മറുപടിയും സീറ്റില് ഇരുന്നതിന് ശേഷം മറ്റൊരു മറുപടിയും നല്കുന്ന മുഖ്യമന്ത്രി വി.ഡി. സതീശന്റെ വിഡിയോ പുറത്തുവന്നിരുന്നു.
കെ.യു. ജനീഷ് കുമാര് എം.എല്.എയാണ് വിഡിയോ പുറത്തുവിട്ടത്. നിയമസഭയില് കുട്ടനാട് എം.എല്.എയും യു.ഡി.എഫ് ഘടകക്ഷിയായ കേരള കോണ്ഗ്രസിന്റെ നേതാവുമായ റെജി ചെറിയാന് അവതരിപ്പിച്ച സബ്മിഷന് മറുപടി നല്കുകയായിരുന്നു വി.ഡി. സതീശന്.
കുട്ടനാടിന് പ്രാദേശിക അവധി അനുവദിക്കണമെന്ന റെജി ചെറിയാന്റെ സബ്മിഷന്, 'മൂലം വള്ളംകളി ദിവസം കുട്ടനാട് താലൂക്കിന് പ്രാദേശിക അവധി അനുവദിക്കുന്ന കാര്യം സര്ക്കാര് പരിശോധിച്ച് തീരുമാനിക്കും' എന്നായിരുന്നു വി.ഡി. സതീശന്റെ മൈക്കിലൂടെയുള്ള മറുപടി. എന്നാല്, മറുപടിക്ക് ശേഷം സീറ്റില് ഇരുന്ന മുഖ്യമന്ത്രി അടുത്തിരുന്ന മന്ത്രിയോട് 'ഒരു കാരണവശാലും അവധി കൊടുക്കില്ല' എന്ന് പറയുന്നതിന്റെ വിഡിയോ പുറത്താവുകയായിരുന്നു.
'ഇത്രയേയുള്ളൂ വി.ഡി. സതീശന്റെ വിശ്വാസ്യത... ബഹു. അംഗത്തിന്റെ ചോദ്യത്തിന് എഴുതി തയാറാക്കിയ മറുപടി. ശേഷം പുറത്തുവരുന്നത് മനസ്സിലിരിപ്പ്.' എന്ന അടിക്കുറിപ്പോടെയാണ് കെ.യു. ജനീഷ് കുമാര് വിഡിയോ പങ്കുവെച്ചത്.
മുഖ്യമന്ത്രിയുടെ പ്രതികരണം താന് കണ്ടില്ലെന്നും മൂലം വള്ളംകളിക്ക് പ്രാദേശിക അവധി എന്നത് ജനങ്ങളുടെ ആവശ്യമാണെന്നും റെജി ചെറിയാന് എം.എല്.എ പ്രതികരിച്ചു. മിഥുനത്തിലെ മൂലം നാളില് പമ്പാനദിയിലാണ് ഈ വള്ളംകളി നടക്കുന്നത്.