തദ്ദേശ തെരഞ്ഞെടുപ്പ്; ഈ മാസം 30 വരെ തദ്ദേശ സ്ഥാപനങ്ങള്‍ അവധി ഒഴിവാക്കി തുറന്നു പ്രവര്‍ത്തിക്കണമെന്ന് തെരഞ്ഞെടുപ്പ് കമ്മീഷന്‍
Aug 16, 2025, 21:17 IST
തിരുവനന്തപുരം: തദ്ദേശ തെരഞ്ഞെടുപ്പ് അന്തിമ വോട്ടർ പട്ടിക പ്രസിദ്ധീകരിക്കുന്നതുമായി ബന്ധപ്പെട്ട് ഈ മാസം 30 വരെ തദ്ദേശ സ്ഥാപനങ്ങൾ അവധി ഒഴിവാക്കി തുറന്നു പ്രവർത്തിക്കണമെന്ന് നിർദ്ദേശിച്ച് സംസ്ഥാന തെരഞ്ഞെടുപ്പ് കമ്മീഷൻ.
ഗ്രാമപഞ്ചായത്തുകൾക്കും നഗരസഭാ ഓഫീസുകൾക്കും ഇതുമായി ബന്ധപ്പെട്ട നിർദേശം നൽകി.
ഈ മാസം 30 ന് അന്തിമ വോട്ടർ പട്ടിക പ്രസിദ്ധീകരിക്കാനാണ് തീരുമാനിച്ചിട്ടുള്ളത്.
പേരു ചേർക്കാൻ അപേക്ഷ നൽകിയവരുടെ ഹിയറിങ്ങിനും മറ്റു ജോലികൾക്കുമായാണ് അവധി ഒഴിവാക്കാനുള്ള നിർദ്ദേശം.