കെഎസ്ഇബി കരാര്‍ ജീവനക്കാരുടെ വേതനം വര്‍ധിപ്പിച്ചു
തിരുവനന്തപുരം: കെഎസ്ഇബിയില്‍ പ്രസരണ വിഭാഗത്തിന് കീഴിലുള്ള ലൈന്‍ മെയിന്റനന്‍സ് സെക്ഷനിലെ കരാര്‍ ജീ വനക്കാരുടെ ദിവസവേതനം വര്‍ധിപ്പിച്ച് ഉത്തരവിറക്കി. ഇലക്ട്രിസിറ്റി വര്‍ക്കര്‍മാര്‍ക്ക് 850 രൂപയും ലൈന്‍മാന്‍മാര്‍ക്ക് 950 രൂപയുമാണ് കൂട്ടിയത്. നിലവില്‍ ഇത് 675 രൂപയും 755 രൂപയുമായിരുന്നു.
അടിയന്തര സാഹചര്യങ്ങളില്‍ തകരാറുകള്‍ പരിഹരിക്കുന്നതിന് സ്ഥിരജീവനകകരെ സഹായിക്കുന്ന കരാര്‍ തൊഴിലാളികള്‍ എത്ര മണിക്കൂര്‍ അധികം ജോലി ചെയ്താലും എസ്റ്റിമേറ്റ് പ്രകാര മുള്ള ദിവസക്കൂലി മാത്രമാണ് ലഭിക്കുന്നത്.
വിതരണ വിഭാഗത്തിലെ ജീവനക്കാരുടേതിന് സമാനായ പ്രസരണ വിഭാഗത്തിന് കീഴിലുള്ള മെയിന്റനന്‍സ് വിഭാഗങ്ങളിലെ ലൈന്‍മാന്‍മാര്‍ക്കും വൈദ്യുതി തൊഴിലാളികള്‍ക്കും വേതനം വര്‍ധിപ്പിക്കണമെന്ന ആവശ്യം ശക്തമായതോടെയാണ് ബോര്‍ഡ് ഇക്കാര്യം പരിഗണിച്ചത്.