കെയ്റോസ് ഗ്ലോബലിന് തുടര്ച്ചയായ നാലാം വര്ഷവും കാത്തലിക് മീഡിയ പുരസ്കാരം
കെയ്റോസ് ഗ്ലോബലിന് തുടര്ച്ചയായ നാലാം വര്ഷവും കാത്തലിക് മീഡിയ പുരസ്കാരം
അമേരിക്ക ആസ്ഥാനമായി പ്രവര്ത്തിക്കുന്ന ആഗോള പ്രശസ്ത കത്തോലിക്ക മാധ്യമ സംഘടനയായ കാത്തലിക് മീഡിയ മീഡിയ അസോസിയേഷന് (CMA) ഏര്പ്പെടുത്തിയ പുരസ്ക്കാരങ്ങളില് ജീസസ് യൂത്തിന്റെ മാധ്യമ ശുശ്രൂഷയായ 'കെയ്റോസ് ഗ്ലോബല്' വീണ്ടും ശ്രദ്ധേയമായ അംഗീകാരം നേടി. 'പ്രാര്ത്ഥനയും ആത്മീയതയും' വിഭാഗത്തില് 'മാഗസിന് ഓഫ് ദ ഇയര്' പുരസ്കാരത്തില് തുടര്ച്ചയായ രണ്ടാം വര്ഷവും രണ്ടാം സ്ഥാനം സ്വന്തമാക്കി. കൂടാതെ, വിശുദ്ധരുടെ ജീവിതം ആകര്ഷകവും ഹൃദയസ്പര്ശിയുമായ രീതിയില് അവതരിപ്പിക്കുന്ന ജനപ്രിയ പംക്തിയ്ക്കു 'ചാന്റിലിയേഴ്സ്', മികച്ച സ്ഥിരം കോളം (Best Regular Column) വിഭാഗത്തില് രണ്ടാം സ്ഥാനവും ലഭിച്ചു.
കാത്തലിക് മീഡിയ അസോസിയേഷനില് നിന്ന് കെയ്റോസ് ഗ്ലോബലിന് ലഭിക്കുന്ന തുടര്ച്ചയായ നാലാമത്തെ അംഗീകാരമാണിത്. 2018-ല് പ്രസിദ്ധീകരണം ആരംഭിച്ച കെയ്റോസ് ഗ്ലോബല്, 100-ാം പതിപ്പ് ഈ ജൂലൈയില് പ്രത്യേക സ്മാരക പതിപ്പായി പുറത്തിറക്കി. പ്രസിദ്ധീകരണയാത്രയിലെ മറ്റൊരു സുപ്രധാന നാഴികക്കല്ലാണ് ഈ നേട്ടം. കെയ്റോസ് മീഡിയ പ്രസിദ്ധീകരിക്കുന്ന കെയ്റോസ് ഗ്ലോബല്, പ്രചോദനാത്മകവും വിശ്വാസനിറഞ്ഞതുമായ ഉള്ളടക്കം, സമകാലിക ഡിസൈന്, ഇന്നത്തെ യുവജനങ്ങളുടെയും യുവകുടുംബങ്ങളുടെയും ചോദ്യങ്ങള്ക്കും വെല്ലുവിളികള്ക്കും പ്രത്യാശകള്ക്കും ഇടയില് യേശുവിനെ പരിചയപ്പെടുത്താനുള്ള പ്രതിബദ്ധത എന്നിവകൊണ്ട് ശ്രദ്ധേയമാണ്.
നാലു പതിറ്റാണ്ടുകള്ക്ക് മുമ്പ് ഇന്ത്യയില് ആരംഭിച്ച, സഭയുടെ ഔദ്യോഗിക അംഗീകാരം ലഭിച്ച അന്താരാഷ്ട്ര അല്മായ യുവജന പ്രസ്ഥാനമായ ജീസസ് യൂത്ത് ഇന്ന് ഏഷ്യ, ആഫ്രിക്ക, യൂറോപ്പ്, ഓസ്ട്രേലിയ, വടക്കേ അമേരിക്ക, തെക്കേ അമേരിക്ക എന്നിവിടങ്ങളിലായി നാല്പ്പതിലധികം രാജ്യങ്ങളില് സജീവ സാന്നിധ്യമുണ്ട്. കെയ്റോസ് മീഡിയ ഇംഗ്ലീഷ്, ഹിന്ദി, മലയാളം എന്നീ മൂന്ന് ഭാഷകളിലായി നാല് മാസികകള് പ്രസിദ്ധീകരിക്കുന്നു. കെയ്റോസ് ഗ്ലോബലിനൊപ്പം 'കെയ്റോസ് ബഡ്സ്' ഇംഗ്ലീഷിലും ഹിന്ദിയിലും പ്രസിദ്ധീകരിക്കുന്നതോടൊപ്പം കൊച്ചി, ഡല്ഹി, മിഡില് ഈസ്റ്റ്, യുണൈറ്റഡ് കിംഗ്ഡം എന്നിവിടങ്ങളില് നിന്നാണ് അച്ചടിക്കുന്നത്.
തുടര്ച്ചയായ അംഗീകാരങ്ങള്ക്ക് ദൈവത്തിന് നന്ദി അര്പ്പിച്ച കെയ്റോസ് ടീം, തങ്ങളുടെ വായനക്കാര്ക്കും എഴുത്തുകാര്ക്കും, പ്രാര്ത്ഥനയിലൂടെയും ഉദാരമായ പിന്തുണയിലൂടെയും ഈ ശുശ്രൂഷയെ കരുത്തുപകരുന്ന എല്ലാവര്ക്കും ഹൃദയംഗമമായ നന്ദി അറിയിച്ചു. ജീസസ് യൂത്തിന്റെ എക്ളേസ്റ്റിയാസ്റ്റിക്കല് അഡൈ്വസര് ബിഷപ്പ് ഡോ. അലക്സ് വടക്കുംതല കെയ്റോസിന് തുടര്ച്ചയായി ലഭിക്കുന്ന നേട്ടത്തില് സന്തോഷം പ്രകടിപ്പിക്കുകയും കെയ്റോസ് പ്രവര്ത്തകരെ അനുമോദിക്കുകയും ചെയ്തു.