ജെസ്ന തിരോധാനം; അന്വേഷണം തുടരാന് സിബിഐ, എരുമേലിയില് ഓഫീസ് തുറന്നു
പത്തനംതിട്ട വെച്ചൂച്ചിറയില് നിന്ന് കാണാതായ കോളജ് വിദ്യാര്ഥിനി ജെസ്ന മരിയ ജയിംസിന്റെ തിരോധാനത്തില് അന്വേഷണം തുടരാന് സിബിഐ. എരുമേലി പിഡബ്ല്യൂഡി റെസ്റ്റ് ഹൗസില് സിബിഐ ഓഫിസ് തുറന്നു. അന്വേഷണസംഘം ഇന്നെത്തിയേക്കും.
ആറ് മാസത്തേക്കാണ് ഇവിടെ ഓഫിസ് പ്രവര്ത്തിക്കുക. രണ്ടു റൂമുകളാണ് സിബിഐ എടുത്തിരിക്കുന്നത്. കേസന്വേഷണം അവസാനിപ്പിക്കാന് അനുമതി തേടി 2024ല് തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് കോടതിയില് സിബിഐ റിപ്പോര്ട്ട് നല്കിയിരുന്നു.
2018 മാര്ച്ച് 22നാണ് കാഞ്ഞിരപ്പള്ളി സെന്റ് ഡൊമനിക് കോളജിലെ രണ്ടാം വര്ഷ വിദ്യാര്ഥിയായ ജസ്നയെ മുക്കൂട്ടുതറയില് നിന്നും കാണാതായത്.
ബന്ധുവിന്റെ വീട്ടിലേക്കെന്ന് പറഞ്ഞ് ഇറങ്ങിയ പെണ്കുട്ടിയെ പിന്നെ ആരും കണ്ടിട്ടില്ല. ആദ്യം ലോക്കല് പൊലീസും പിന്നീട് സിബിഐയും അന്വേഷണം നടത്തിയെങ്കിലും ജസ്നയെ കണ്ടെത്താന് ഇതുവരെ ആയിട്ടില്ല.