ഇറാനില് നിന്ന് ഇന്ത്യന് പൗരന്മാര് ഇന്ന് അര്ദ്ധരാത്രിയോടെ രാജ്യത്ത് മടങ്ങിയെത്തും
ഇറാന്: ആഭ്യന്തര സംഘര്ഷം നടക്കുന്ന ഇറാനില് നിന്ന് ഇന്ത്യന് പൗരന്മാര് ഇന്ന് അര്ദ്ധരാത്രിയോടെ രാജ്യത്ത് മടങ്ങിയെത്തും.
ഇതില് ഭൂരിഭാഗവും വിദ്യാര്ത്ഥികള് ആണെന്നെന്ന് എന്നാണ് വിവരം.
സ്വന്തം നിലയിലാണ് ഇന്ത്യന് പൗരന്മാര് മടങ്ങി എത്തുന്നത്. പതിവ് ഷെഡ്യൂള് ചെയ്തിട്ടുള്ള വിമാന സര്വീസുകളില് ആണ് ഇന്ത്യയിലേക്കുള്ള മടക്കം.
ഇറാനിലെ ഇന്ത്യന് പൗരന്മാരോട് ഇറാന് വിടണമെന്ന് ഇന്ത്യന് എംബസി നിര്ദേശം നല്കിയിരുന്നു. ഇന്ത്യന് എംബസിയുമായി ബന്ധം പുലര്ത്തണമെന്നും ഇനിയൊരു അറിയിപ്പ് ഉണ്ടാകുന്നതുവരെ ഇറാനിലേക്കുള്ള യാത്രകള് ഒഴിവാക്കണമെന്നുമാണ് നിര്ദേശം.
സംഘര്ഷം നടക്കുന്ന മേഖലകള് ഒഴിവാക്കി വേണം യാത്ര ചെയ്യാനെന്നും പൗരന്മാരോട് എംബസി നിര്ദേശിച്ചിരുന്നു.
ഇറാനിലുള്ള എല്ലാ ഇന്ത്യന് പൗരന്മാരും പാസ്പോര്ട്ടുകള്, ഐഡികള് എന്നിവയുള്പ്പെടെയുള്ള യാത്രാ, ഇമിഗ്രേഷന് രേഖകള് കൈവശം വയ്ക്കണമെന്ന് അഭ്യര്ത്ഥിക്കുന്നു.
ഇതുസംബന്ധിച്ച എന്തെങ്കിലും സഹായത്തിന് ഇന്ത്യന് എംബസിയുമായി ബന്ധപ്പെടാനും ഇന്ത്യന് എംബസി നിര്ദേശത്തില് പറയുന്നു
പ്രതിഷേധങ്ങളോ പ്രകടനങ്ങളോ ഉള്ള സ്ഥലങ്ങള് ഒഴിവാക്കണമെന്നും ഇറാനിലെ ഇന്ത്യന് എംബസിയുമായി സമ്പര്ക്കം പുലര്ത്തണമെന്നും എന്തെങ്കിലും സംഭവവികാസങ്ങള്ക്കായി പ്രാദേശിക മാധ്യമങ്ങളെ നിരീക്ഷിക്കണമെന്നും ആവര്ത്തിച്ച് നിര്ദ്ദേശത്തില് പറയുന്നു.