ഉയിര്‍ത്തെണീറ്റതിന് ശേഷം എത്ര തവണ ക്രിസ്തു പ്രത്യക്ഷപ്പെട്ടിട്ടുണ്ട്?

ക്രിസ്തു ഉയിര്‍ത്തെണീറ്റുവെന്ന് നാം വിശ്വസിക്കുമ്പോഴും അവിടുന്ന് എത്ര തവണ ഉയിര്‍ത്തെണീറ്റു എന്നതിനെക്കുറിച്ച് കൃത്യമായ അറിവ് നമുക്കില്ല. തിരുവചനം പറയുന്നത് അനുസരിച്ച് പത്തു തവണ ക്രിസ്തു ശിഷ്യര്‍ക്ക് പ്രത്യക്ഷപ്പെട്ടു.

എന്നാല്‍ പാരമ്പര്യം പറയുന്നത് ക്രിസ്തു 12 തവണ പ്രത്യക്ഷപ്പെട്ടിട്ടുണ്ട് എന്നാണ്. ക്രിസ്തു ശിഷ്യര്‍ക്കിടയില്‍ പല അത്ഭുതങ്ങളും ചെയ്തിട്ടുണ്ട്. എന്നാല്‍ അവയൊന്നും ഇവിടെ രേഖപ്പെടുത്തിയിട്ടില്ല എന്ന് യോഹന്നാന്‍ ശ്ലീഹാ എഴുതുന്നുണ്ടല്ലോ.

എത്ര തവണ ക്രിസ്തു പ്രത്യക്ഷപ്പെട്ടാലും ഓരോ പ്രത്യക്ഷപ്പെടലിലൂടെയും നിരവധി ആത്മീയസത്യങ്ങളും പാഠങ്ങളുമാണ് ക്രിസ്തു പഠിപ്പിച്ചത് എന്നതാണ് സത്യം.