ആലപ്പുഴ ജില്ലയിലെ മൂന്ന് താലൂക്കുകളില് നാളെ വിദ്യാഭ്യാസ സ്ഥാപനങ്ങള്ക്ക് അവധി
ആലപ്പുഴ: ജില്ലയിലെ കുട്ടനാട്, ചെങ്ങന്നൂര്, കാര്ത്തികപ്പള്ളി എന്നീ മൂന്ന് താലൂക്കുകളിലെ മുഴുവന് വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് നാളെ അവധി പ്രഖ്യാപിച്ചു.
പ്രൊഫഷണല് കോളജുകള് ഉള്പ്പെടെയുള്ള എല്ലാ സ്ഥാപനങ്ങള്ക്കും ഈ അവധി ബാധകമാണ്.
അങ്കണവാടികള്, ട്യൂഷന് സെന്ററുകള് എന്നിവയ്ക്കും അവധി ബാധകമായിരിക്കും.
ഇതിനുപുറമെ, ജില്ലയില് നിലവില് ദുരിതാശ്വാസ ക്യാമ്പുകള് പ്രവര്ത്തിക്കുന്ന മറ്റ് എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കുമെന്ന് കലക്ടറുടെ ഔദ്യോഗിക അറിയിപ്പില് വ്യക്തമാക്കുന്നു.
ഇടുക്കിയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചിട്ടുണ്ട്. അവധിക്കാരണം നഷ്ടപ്പെട്ട് പോകുന്ന ക്ലാസുകള് ഓണ്ലൈനായി എടുക്കാനും നിര്ദേശം നല്കിയിട്ടുണ്ട്.