കോട്ടയം ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി
Aug 1, 2026, 21:30 IST
കോട്ടയം: മലയോര മേഖകളില് ഉള്പ്പെടെ കനത്ത മഴ തുടരുകയും ജലനിരപ്പ് ഉയരുകയും ചെയ്യുന്നതും കേന്ദ്ര കാലാവസ്ഥാ വകുപ്പ് ജില്ലയില് ഇന്ന്(ഓഗസ്റ്റ് 1) റെഡ് അലര്ട്ട് പ്രഖ്യാപിക്കയും ചെയ്ത സാഹചര്യത്തില് കോട്ടയം ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ(ഓഗസ്റ്റ് 2) അവധി പ്രഖ്യാപിച്ചു.
മതപഠന ക്ലാസുകള്, ട്യൂഷന് സെന്ററുകള്, കോച്ചിംഗ് ക്ലാസുകള്, സ്പെഷ്യല് ക്ലാസുകള് എന്നിവയ്ക്ക് അവധി ബാധകമായിരിക്കും.
റസിഡന്ഷ്യല് സ്കൂളുകളിലെയും കോളജുകളിലെയും വിദ്യാര്ഥികളുടെ സുരക്ഷിതത്വം സ്ഥാപന മേധാവികള് ഉറപ്പുവരുത്തണം. സാഹചര്യമനുസരിച്ച് ആവശ്യമെങ്കില് കുട്ടികളുടെ സുരക്ഷ കണക്കിലെടുത്ത് അവധി നല്കാവുന്നതാണ്.