എവറസ്റ്റില്‍ കനത്ത മഞ്ഞുവീഴ്ച; ആയിരത്തിലധികം പര്‍വ്വതാരോഹകര്‍ കുടുങ്ങി കിടക്കുന്നു; ഒരു മരണം
ചൈന:എവറസ്റ്റില്‍ കനത്ത മഞ്ഞുവീഴ്ച. ടിബറ്റന്‍ ചരിവുകളിലാണ് കനത്ത മഞ്ഞു വീഴ്ചയുണ്ടായത്. സംഭവത്തില്‍ ഒരാള്‍ മരിച്ചു.
നിരവധി പേരാണ് മഞ്ഞുവീഴ്ചയില്‍ കാണാതായതെന്ന് റിപോര്‍ട്ടുകള്‍ പുറത്ത് വന്നു. കാണാതായവരില്‍ 140 പേരെ രക്ഷപ്പെടുത്തിയാതായി അന്താരാഷ്ട്ര വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.
ചൈനയുടെ ഭാഗത്തുള്ള കര്‍മ താഴ്വാരത്ത് ആയിരത്തിലധികം പര്‍വ്വതാരോഹകര്‍ കുടുങ്ങിക്കിടക്കുന്നുവെന്നും മാധ്യമങ്ങള്‍ റിപ്പോര്‍ട്ട് ചെയ്യുന്നു.
കഴിഞ്ഞ വെള്ളിയാഴ്ച മുതലാണ് എവറസ്റ്റിന്റെ കിഴക്കന്‍ ചരിവുകളില്‍ മഞ്ഞുവീഴ്ച അതി രൂക്ഷമായത്. 4,200 മീറ്റര്‍ (13,800 അടി) ഉയരത്തിലാണ് ഈ പ്രദേശം ഉള്ളത്.
ഒക്ടോബര്‍ മാസത്തിലാണ് എവറസ്റ്റ് കായറാന്‍ കൂടുതല്‍ ആളുകള്‍ എത്തുന്നത്. ഒക്ടോബര്‍ 1 മുതല്‍ ചൈനയില്‍ 8 ദിവസം അവധിയായതിനാല്‍ ആയിരക്കണക്കിന് ആളുകളാണ് ടിബറ്റ് സന്ദര്‍ശിച്ചത്.