17 സംസ്ഥാനങ്ങളില് കനത്ത മഴയ്ക്ക് സാധ്യത. അസമില് പ്രളയക്കെടുതി രൂക്ഷം. മരണസംഖ്യ 87 ആയി
തിരുവനന്തപുരം: രാജ്യത്തെ 17 സംസ്ഥാനങ്ങളില് കനത്ത മഴയ്ക്കും കാറ്റിനും സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം.
മണിക്കൂറില് 70 കിലോമീറ്റര് വരെ വേഗത്തില് കാറ്റ് വീശിയേക്കും. കേരളത്തിന് പുറമെ തമിഴ്നാട്, ഡല്ഹി, ഉത്തര്പ്രദേശ്, ബിഹാര്, ജമ്മു കശ്മീര് ഉള്പ്പെടെയുള്ള സംസ്ഥാനങ്ങളില് ജാഗ്രതാ നിര്ദേശം പുറപ്പെടുവിച്ചു.
അതേസമയം, പ്രളയം രൂക്ഷമായ അസമില് സ്ഥിതിഗതികള് അതീവ ഗുരുതരമായി തുടരുകയാണ്. സംസ്ഥാനത്ത് പ്രളയത്തില് മരിച്ചവരുടെ എണ്ണം 87 ആയി ഉയര്ന്നു.
ഏഴ് ജില്ലകളിലായി 1.28 ലക്ഷം ജനങ്ങളെയാണ് ദുരന്തം ബാധിച്ചത്. നിരവധി ഗ്രാമങ്ങള് ഇപ്പോഴും പൂര്ണ്ണമായും വെള്ളത്തിനടിയിലാണ്.
അതേസമയം കേരളത്തില് അതിശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്. ഇന്ന് 12 ജില്ലകളില് അതിശക്തമായ മഴക്കുള്ള ഓറഞ്ച് അലേര്ട്ടാണ്. തിരുവനന്തപുരം കൊല്ലം ജില്ലകളില് യെല്ലോ മുന്നറിയിപ്പ് ഉണ്ട്.
തമിഴ്നാടിന് മുകളിലുള്ള ചക്രവാതചുഴിയുടെ സ്വാധീനമാണ് മഴയുടെ ശക്തി വര്ദ്ധിക്കാന് കാരണം.
മണിക്കൂറില് 50 കിലോമീറ്റര് വരെ വേഗതയില് കാറ്റ് വീശാനും സാധ്യതയുണ്ട്. കേരള- കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്.
തമിഴ്നാടിനു മുകളിലെ ചക്രവാതചുഴിയുടെ സ്വാധീനമാണ് മഴയുടെ ശക്തി വര്ദ്ധിക്കാന് കാരണം. മഴയോടൊപ്പം മണിക്കൂറില് 50 കിലോമീറ്റര് വരെ വേഗതയില് കാറ്റ് വീശാനും സാധ്യതയുണ്ട്. സംസ്ഥാനത്തെ പല ഡാമുകളിലും ജലനിരപ്പ് അതിന്റെ പരമാവധി അളവിലാണ്. വിവിധ അണക്കെട്ടുകളില് നിന്ന് വെള്ളം നിയന്ത്രിത അളവില് വെള്ളം പുറത്തേക്കൊഴുക്കുന്നുണ്ട്. നദീ പരിസരങ്ങളില് താമസിക്കുന്നവരും ജാഗ്രത പാലിക്കണം.