സംസ്ഥാനത്ത് ശക്തമായ മഴ മുന്നറിയിപ്പ്. വടക്കന് ജില്ലകളില് റെഡ് അലര്ട്ട്. കനത്ത ജാഗ്രത പാലിക്കാന് അധികൃതര് നിര്ദ്ദേശം നല്കി
Aug 7, 2026, 15:48 IST
.
തിരുവനന്തപുരം: കേരളത്തിലെ വടക്കന് ജില്ലകളില് അതിതീവ്ര മഴയ്ക്ക് സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം നിര്ദ്ദേശം നല്കി.
കോഴിക്കോട്, വയനാട്, കണ്ണൂര്, കാസര്ഗോഡ് എന്നീ നാല് ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്. കൂടാതെ പത്തനംതിട്ട, കോട്ടയം, ഇടുക്കി, മലപ്പുറം ജില്ലകളില് ഓറഞ്ച് അലര്ട്ടും മറ്റ് ജില്ലകളില് യെല്ലോ അലര്ട്ടും നിലവിലുണ്ട്.
അതേസമയം കനത്ത ജാഗ്രത പാലിക്കാന് അധികൃതര് നിര്ദ്ദേശം നല്കിയിട്ടുണ്ട്. പശ്ചിമബംഗാളിനും ബംഗ്ലാദേശിനും മുകളിലുള്ള ചക്രവാതച്ചുഴി ബംഗാള് ഉള്ക്കടലില് ന്യൂനമര്ദ്ദമായി മാറാന് സാധ്യതയുള്ളതിനാല് കേരള തീരത്ത് ശക്തമായ കാറ്റിന് സാധ്യതയുണ്ട്.
ഇതിനാല് മത്സ്യത്തൊഴിലാളികള് കടലില് പോകരുതെന്ന് നിര്ദ്ദേശമുണ്ട്. നാളെ 10 ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.