1.4 ബില്യണ്‍ ഇന്ത്യക്കാരുടെ ആഗ്രഹങ്ങളും പ്രതീക്ഷകളും അഭിലാഷങ്ങളും അദ്ദേഹം തന്റെ കൂടെ കൊണ്ടുപോകുന്നു. ശുഭാന്‍ഷു ശുക്ലയെ അഭിനന്ദിച്ച് പ്രധാനമന്ത്രി മോദി
ഡല്‍ഹി: ഇന്ത്യന്‍ വ്യോമസേന ഗ്രൂപ്പ് ക്യാപ്റ്റനും ബഹിരാകാശയാത്രികനുമായ ശുഭാന്‍ഷു ശുക്ല തന്റെ ബഹിരാകാശ ദൗത്യം വിജയകരമായി ആരംഭിച്ചതിന് പിന്നാലെ പ്രധാനമന്ത്രി നരേന്ദ്ര മോദി അദ്ദേഹത്തിന് വിജയാശംസകള്‍ നേര്‍ന്നു.
'ഇന്ത്യ, ഹംഗറി, പോളണ്ട്, യുഎസ് എന്നിവിടങ്ങളില്‍ നിന്നുള്ള ബഹിരാകാശയാത്രികരെ ഉള്‍ക്കൊള്ളുന്ന ഈ ദൗത്യം വിജയകരമായി വിക്ഷേപിച്ചതില്‍ ഞങ്ങള്‍ സന്തോഷം പ്രകടിപ്പിക്കുന്നു.
ഇന്ത്യന്‍ ബഹിരാകാശയാത്രികന്‍ ഗ്രൂപ്പ് ക്യാപ്റ്റന്‍ ശുഭാന്‍ഷു ശുക്ല അന്താരാഷ്ട്ര ബഹിരാകാശ നിലയം സന്ദര്‍ശിക്കുന്ന ആദ്യ ഇന്ത്യക്കാരനാകാനുള്ള ചരിത്രപരമായ യാത്രയിലാണ്.
1.4 ബില്യണ്‍ ഇന്ത്യക്കാരുടെ സ്വപ്നങ്ങളും പ്രതീക്ഷകളും അഭിലാഷങ്ങളും അദ്ദേഹം തന്റെ കൂടെ കൊണ്ടുപോകുന്നു. അദ്ദേഹത്തിനും സഹയാത്രികര്‍ക്കും എന്റെ ഹൃദയം നിറഞ്ഞ വിജയാശംസകള്‍,' പ്രധാനമന്ത്രി മോദി ട്വിറ്ററില്‍ കുറിച്ചു.