വന്‍ ഇടിവിന് പിന്നാലെ സ്വര്‍ണവിലയില്‍ നേരിയ വര്‍ധന
കൊച്ചി: വന്‍ ഇടിവിന് പിന്നാലെ കേരളത്തില്‍ സ്വര്‍ണവിലയില്‍ നേരിയ വര്‍ധന.. ഗ്രാമിന് 10 രൂപയുടെ വര്‍ധനയാണ് ഉണ്ടായത്.. ഇതോടെ ഒരു ഗ്രാം സ്വര്‍ണത്തിന്റെ വില 13,150 രൂപയായി കുറഞ്ഞു. പവന്‍ വില 80 രൂപ കുറഞ്ഞ് 1,05,200 രൂപയായും ഇടിഞ്ഞു.
ആഗോള വിപണിയില്‍ സ്വര്‍ണവിലയില്‍ വീണ്ടും ഇടിവ്. ക്രൂഡ് ഓയില്‍ വിലയിലുണ്ടായ തിരിച്ചുകയറ്റവും പണപ്പെരുപ്പം സംബന്ധിച്ച ആശങ്കകളും അമേരിക്കന്‍ ഫെഡറല്‍ റിസര്‍വ് പലിശനിരക്ക് ഉയര്‍ന്ന നിലയില്‍ നിലനിര്‍ത്തിയേക്കുമെന്ന വിലയിരുത്തലുമാണ് സ്വര്‍ണവിലയെ സമ്മര്‍ദത്തിലാക്കുന്നത്. എന്നാല്‍ ഈ ആഴ്ച ഇതുവരെ ഏകദേശം നാല് ശതമാനം നേട്ടത്തിലാണ് സ്വര്‍ണം. അമേരിക്കയിലെ നിര്‍ണായക തൊഴില്‍ കണക്കുകള്‍ പുറത്തുവരാനിരിക്കെ നിക്ഷേപകര്‍ ജാഗ്രതയിലാണ്.
വെള്ളിയാഴ്ച സ്‌പോട്ട് ഗോള്‍ഡ് വില 0.6 ശതമാനം കുറഞ്ഞ് ഔണ്‍സിന് 4,063.39 ഡോളറിലെത്തി. ഡിസംബറിലെ ഡെലിവറിക്കുള്ള യുഎസ് ഗോള്‍ഡ് ഫ്യൂച്ചേഴ്‌സ് വില ഒരു ശതമാനം ഇടിഞ്ഞ് 4,072.90 ഡോളറിലുമെത്തി. അതേസമയം, ആഴ്ചയിലെ മൊത്തം കണക്കെടുത്താല്‍ സ്വര്‍ണം നാല് ശതമാനത്തോളം നേട്ടം നിലനിര്‍ത്തുന്നുണ്ട്.
ക്രൂഡ് ഓയില്‍ വില ഉയരുന്നതാണ് ഇപ്പോള്‍ സ്വര്‍ണവിപണിക്ക് പ്രധാന വെല്ലുവിളിയാകുന്നത്. വെള്ളിയാഴ്ച എണ്ണവിലയില്‍ ഒരു ശതമാനത്തിലധികം വര്‍ധനയുണ്ടായി. എന്നാല്‍ ഈ ആഴ്ച മൊത്തത്തില്‍ എണ്ണവില വലിയ ഇടിവിലേക്കാണ് നീങ്ങുന്നത്. ഇറാന്‍ സംഘര്‍ഷത്തില്‍ അയവുണ്ടാകുമെന്ന പ്രതീക്ഷയാണ് എണ്ണവിലയെ താഴേക്ക് നയിച്ചത്. അതേസമയം, മിഡില്‍ ഈസ്റ്റിലെ എണ്ണവിതരണവുമായി ബന്ധപ്പെട്ട ആശങ്കകള്‍ വിലയില്‍ തിരിച്ചുകയറ്റത്തിന് വഴിയൊരുക്കുന്നുണ്ട്.
എണ്ണവില ഉയരുന്നത് ആഗോള സമ്പദ്വ്യവസ്ഥയില്‍ പണപ്പെരുപ്പ സമ്മര്‍ദം വര്‍ധിപ്പിക്കാം. ഇത് നിയന്ത്രിക്കാന്‍ അമേരിക്കന്‍ ഫെഡറല്‍ റിസര്‍വ് പലിശനിരക്ക് കൂടുതല്‍ കാലം ഉയര്‍ന്ന നിലയില്‍ നിലനിര്‍ത്തുകയോ വീണ്ടും വര്‍ധിപ്പിക്കുകയോ ചെയ്യേണ്ടിവന്നേക്കാം.