സംസ്ഥാനത്ത് സ്വര്ണ്ണവിലയില് ഇടിവ്. ഒറ്റ ദിവസം കൊണ്ട് പവന് 1440 രൂപയാണ് കുറഞ്ഞത്
സംസ്ഥാനത്ത് സ്വര്ണ്ണവിലയില് വലിയ ഇടിവ് രേഖപ്പെടുത്തി. ഒറ്റ ദിവസം കൊണ്ട് പവന് 1440 രൂപയാണ് കുറഞ്ഞത്. ഇതോടെ ഒരു പവന് സ്വര്ണ്ണത്തിന്റെ വില 1,18,560 രൂപയായി താഴ്ന്നു. കഴിഞ്ഞ രണ്ട് ദിവസങ്ങളിലും 1,20,000 രൂപയിലായിരുന്നു വ്യാപാരം നടന്നിരുന്നത്.
ഗ്രാമിന് 180 രൂപ കുറഞ്ഞതോടെ ഒരു ഗ്രാം സ്വര്ണ്ണത്തിന് ഇന്ന് 14,820 രൂപയാണ് നിരക്ക്. വിവാഹ സീസണ് അടുത്തുവരുന്ന സാഹചര്യത്തില് വിലയിലുണ്ടായ ഈ കുറവ് സാധാരണക്കാരായ ഉപഭോക്താക്കള്ക്ക് വലിയ ആശ്വാസമാണ് നല്കുന്നത്.
ഈ മാസം രേഖപ്പെടുത്തിയ ഏറ്റവും കുറഞ്ഞ നിരക്കിന് തൊട്ടടുത്താണ് ഇന്നത്തെ വില. മാര്ച്ച് 6-ന് രേഖപ്പെടുത്തിയ 1,18,160 രൂപയായിരുന്നു ഈ മാസത്തെ ഏറ്റവും കുറഞ്ഞ സ്വര്ണ്ണവില.
രാജ്യാന്തര വിപണിയിലെ മാറ്റങ്ങളും രൂപയുടെ മൂല്യത്തിലുണ്ടായ വ്യത്യാസവുമാണ് പ്രാദേശിക വിപണിയിലും പ്രതിഫലിച്ചത്. വരും ദിവസങ്ങളിലും വിലയില് മാറ്റങ്ങള് ഉണ്ടാകാന് സാധ്യതയുണ്ടെന്നാണ് വിപണി വിദഗ്ധര് വിലയിരുത്തുന്നത്.