സംസ്ഥാനത്തെ സ്വര്‍ണവിലയില്‍ ഇടിവ്. സ്വര്‍ണവില ഈ മാസത്തെ ഏറ്റവും താഴ്ന്ന നിരക്കില്‍

തിരുവനന്തപുരം: സംസ്ഥാനത്തെ സ്വര്‍ണവിലയില്‍ ഇടിവ്. ദിവസങ്ങളായി വിപണിനിരക്കില്‍ തുടര്‍ന്ന ഏറ്റക്കുറച്ചിലുകള്‍ക്കൊടുവില്‍ സ്വര്‍ണവില ഈ മാസത്തെ ഏറ്റവും താഴ്ന്ന നിരക്കിലെത്തി.

 കഴിഞ്ഞ രണ്ട് ദിവസമായി മാറ്റമില്ലാതെ തുടര്‍ന്ന നിരക്കാണ് ഇന്ന് താഴേക്ക് പോയത്. ഒരു പവന്‍ സ്വര്‍ണത്തിന് 120 രൂപ കുറഞ്ഞ് 1,09,280 രൂപയിലാണ് ഇന്ന് വ്യാപാരം നടക്കുന്നത്.

ഒരു ഗ്രാം സ്വര്‍ണത്തിന്റെ ഇന്നത്തെ വിപണിനിരക്ക് 13,660 രൂപയാണ്. ഒക്ടോബര്‍ 5 ഇന്നലെ ഒരു പവന്‍ സ്വര്‍ണത്തിന് 1,09,400 രൂപയും ഗ്രാമിന് 13,675 രൂപയുമായിരുന്നു നിരക്ക്. ഈ മാസത്തിന്റെ തുടക്കത്തിലായിരുന്നു സമീപകാലത്തെ ഏറ്റവും ഉയര്‍ന്ന നിരക്ക് രേഖപ്പെടുത്തിയത്. 

അന്ന് ഗ്രാമിന് 14,385 രൂപയും പവന് 1,15,080 രൂപ വരെയുമായിരുന്നു വില. ആഗോള വിപണിയിലെ ചലനങ്ങള്‍ കാരണം വരും ദിവസങ്ങളിലും സ്വര്‍ണവിലയില്‍ അസ്ഥിരത തുടരുമെന്നാണ് സാമ്പത്തിക വിദഗ്ധരുടെ കണക്കുകൂട്ടല്‍.