ബാലരാമപുരത്ത് ടൂവീലർ വർക്ക്ഷോപ്പിന് തീപിടിച്ച് എട്ട് വാഹനങ്ങൾ കത്തിനശിച്ചു
Aug 22, 2026, 11:39 IST
തിരുവനന്തപുരം: ടൂവീലർ വർക്ക്ഷോപ്പിൽ തീപിടിച്ച് എട്ട് വാഹനങ്ങൾ കത്തിനശിച്ചു. ബാലരാമപുരം ജംഗ്ഷന് സമീപം ദേശീയപാതയോരത്ത് പ്രവർത്തിക്കുന്ന വർക്ക്ഷോപ്പിലാണ് തീ പിടിച്ചത്.
ഇന്നലെ രാത്രിയാണ് സംഭവം. ഷോർട്ട് സർക്യൂട്ടാണ് കാരണമെന്നാണ് നിഗമനം.
അപകടസമയത്ത് ജീവനക്കാർ സ്ഥലത്തില്ലാതിരുന്നതിനാൽ വൻ ദുരന്തം ഒഴിവായി. നെയ്യാറ്റിൻകരയിൽനിന്ന് എത്തിയ രണ്ട് ഫയർഫോഴ്സ് യൂണിറ്റുകളും പോലീസും ചേർന്നാണ് തീയണച്ചത്.