അര്ഹരായവര്ക്ക് പ്രതിമാസം 1000 രൂപ ധനസഹായം; 'സ്ത്രീ സുരക്ഷാ പദ്ധതിയില്' ഇന്നു മുതല് അപേക്ഷിക്കാം
സ്ത്രീ സുരക്ഷാ പദ്ധതിയില്' ഇന്നു മുതല് അപേക്ഷിക്കാം. സ്ത്രീകളുടെ ക്ഷേമം ഉറപ്പാക്കുന്നതിനായാണ് സംസ്ഥാന സര്ക്കാര് പദ്ധതി ആവിഷ്കരിച്ചത്.
നിലവില് സംസ്ഥാനത്തെ മറ്റ് സാമൂഹികക്ഷേമ പദ്ധതികളുടെയോ പെന്ഷനുകളുടെയോ ഗുണഭോക്താക്കള് അല്ലാത്ത അര്ഹരായ സ്ത്രീകള്ക്കാണ് 1000 രൂപ ധനസഹായം ലഭ്യമാക്കുന്നതാണ് പദ്ധതി.
സാെമൃ.േഹഴെസലൃമഹമ.ഴീ്.ശി എന്ന വെബ്സൈറ്റ് മുഖേന തദ്ദേശ സ്വയംഭരണ സ്ഥാപനങ്ങളിലെ സെക്രട്ടറിമാര്ക്കാണ് അപേക്ഷകള് സമര്പ്പിക്കേണ്ടത്.
കേരളത്തില് സ്ഥിരതാമസക്കാരായ, 35 വയസ്സിനും 60 വയസ്സിനും ഇടയില് പ്രായമുള്ള സ്ത്രീകള്ക്കും ട്രാന്സ് വുമണ് വിഭാഗത്തില്പ്പെട്ടവര്ക്കുമാണ് പദ്ധതിയുടെ പ്രയോജനം ലഭിക്കുക.
അന്ത്യോദയ അന്നയോജന, മുന്ഗണനാ വിഭാഗം എന്നീ റേഷന് കാര്ഡുകള് ഉള്ളവര്ക്കാണ് അപേക്ഷിക്കാന് അര്ഹതയുള്ളത്.
അപേക്ഷ സമര്പ്പിക്കുന്നവര് പ്രായം തെളിയിക്കുന്നതിനായി ജനന സര്ട്ടിഫിക്കറ്റ്, സ്കൂള് സര്ട്ടിഫിക്കറ്റ്, ഡ്രൈവിംഗ് ലൈസന്സ്, പാസ്പോര്ട്ട് എന്നിവയില് ഏതെങ്കിലും ഒന്ന് ഹാജരാക്കണം.
ഇവ ലഭ്യമല്ലാത്തവര്ക്ക് മെഡിക്കല് ഓഫീസര് നല്കുന്ന സര്ട്ടിഫിക്കറ്റ് ഉപയോഗിക്കാവുന്നതാണ്. ബാങ്ക് അക്കൗണ്ട് വിവരങ്ങള്, ഐഎഫ്എസ്സി കോഡ്, ആധാര് വിവരങ്ങള് എന്നിവയും അപേക്ഷയോടൊപ്പം സമര്പ്പിക്കണം.
ഒപ്പം സ്വയം സാക്ഷ്യപ്പെടുത്തിയ സത്യപ്രസ്താവനയും ഉള്പ്പെടുത്തണം. ആനുകൂല്യം ലഭിക്കുന്നവര് എല്ലാ വര്ഷവും ആധാര് അധിഷ്ഠിതമായി വാര്ഷിക മസ്റ്ററിംഗ് നടത്തണം.
വിധവാ പെന്ഷന്, അവിവാഹിത പെന്ഷന്, വികലാംഗ പെന്ഷന് എന്നിവയ്ക്ക് പുറമെ വിവിധ സര്വീസ് പെന്ഷനുകള്, കുടുംബ പെന്ഷന്, ഇ.പി.എഫ് പെന്ഷന് എന്നിവ കൈപ്പറ്റുന്നവര്ക്കും ഈ പദ്ധതി പ്രകാരം ആനുകൂല്യം ലഭിക്കില്ല.
തെറ്റായ വിവരങ്ങള് നല്കി ആനുകൂല്യം കൈപ്പറ്റുന്നത് ശ്രദ്ധയില്പ്പെട്ടാല് 18 ശതമാനം പലിശ സഹിതം തുക തിരിച്ചുപിടിക്കും.