ഉപരാഷ്ട്രപതി തിരഞ്ഞെടുപ്പിനുള്ള തയ്യാറെടുപ്പുകള്‍ ആരംഭിച്ചതായി കേന്ദ്ര തിരഞ്ഞെടുപ്പ് കമ്മീഷന്
ന്യൂഡല്‍ഹി:ഉപരാഷ്ട്രപതി തിരഞ്ഞെടുപ്പിനുള്ള തയ്യാറെടുപ്പുകള്‍ ആരംഭിച്ചതായി കേന്ദ്ര തിരഞ്ഞെടുപ്പ് കമ്മീഷന്. തിരഞ്ഞെടുപ്പിനുള്ള വിജ്ഞാപനം ഉടന്‍ പുറത്തിറങ്ങുമെന്നും കമ്മീഷന് വ്യക്തമാക്കി. ഉപരാഷ്ട്രപതി സ്ഥാനത്ത് നിന്ന് ജഗ്ദീപ് ധന്‍കര്‍ അപ്രതീക്ഷിതമായി രാജിവെച്ച സാഹചര്യത്തിലാണ് വീണ്ടും തിരഞ്ഞെടുപ്പ് നടത്താനായി ഒരുങ്ങുന്നത്.
തിരഞ്ഞെടുപ്പിനുള്ള ഇലക്ടറല്‍ കോളേജ് തയ്യാറായതായി തിരഞ്ഞെടുപ്പ് കമ്മീഷന് അറിയിച്ചു. രാജ്യസഭയിലെ തിരഞ്ഞെടുക്കപ്പെട്ട അംഗങ്ങള്‍, രാജ്യസഭയിലേക്ക് നാമനിര്‍ദ്ദേശം ചെയ്യപ്പെട്ട അംഗങ്ങള്‍, ലോക്‌സഭയിലെ തിരഞ്ഞെടുക്കപ്പെട്ട അംഗങ്ങള്‍ എന്നിവരടങ്ങുന്നതാണ് ഇലക്ടറല്‍ കോളേജ്.
ഇന്ത്യ ഭരണഘടനയുടെ അനുചേദം 324 പ്രകാരം തിരഞ്ഞെടുപ്പ് നടത്താന്‍ കേന്ദ്ര തിരഞ്ഞെടുപ്പ് കമ്മീഷന് രാഷ്ട്രപതി ചുമതലപ്പെടുത്തിയിരുന്നു. അതേസമയം, ഉപരാഷ്ട്രപതി സ്ഥാനാര്‍ഥിക്കായുള്ള ചര്‍ച്ചകളും സജീവമാണ്. എന്‍ ഡി എയുടെ സ്ഥാനാര്‍ഥി ബിജെപിയില്‍ നിന്ന് ആകുമെന്നാണ് സൂചന.
തിരഞ്ഞെടുപ്പ് അടുത്ത ബീഹാറില്‍ രാഷ്ട്രീയനേട്ടത്തിന് ഉതകുന്ന തരത്തിലാകും അടുത്ത സ്ഥാനാര്‍ഥിയെന്നും സൂചന ഉണ്ട്. തിരഞ്ഞെടുപ്പില്‍ ഇന്ത്യ മുന്നണി പൊതു സ്ഥാനാര്‍ഥിയെ നിര്‍ത്തണമെന്നാണ് തൃണമൂല്‍ കോണ്‍ഗ്രസിന്റെ നിര്‍ദ്ദേശം.