ദുക്റാന തിരുനാൾ അൽമായ പ്രേഷിത ദിനം-  മാമോദീസ സ്വീകരിച്ച ഓരോ വിശ്വാസിയും ഒരു പ്രേഷിതനാണ്/ പ്രക്ഷിതയാണ്

സീറോ-മലബാർ സഭയുടെ വിശ്വാസ പാരമ്പര്യത്തിൽ ദുക്റാന തിരുനാൾ വിശുദ്ധ തോമാശ്ലീഹായുടെ രക്തസാക്ഷിത്വത്തിന്റെ ഓർമ്മ മാത്രമല്ല; ഭാരതത്തിൽ സുവിശേഷത്തിന്റെ വിത്ത് വിതച്ച അപ്പസ്തോലന്റെ വിശ്വാസവും ദൗത്യവും നമ്മുടെ ജീവിതത്തിൽ പുതുക്കി സ്വീകരിക്കുന്ന ആത്മീയ നവീകരണത്തിന്റെ ദിനമാണ്.

 അതുകൊണ്ടുതന്നെ സഭ ഈ തിരുനാളിനെ അൽമായ പ്രേഷിത ദിനമായി ആചരിക്കുന്നു .

ഈ വർഷം മുതൽ പ്രൊ ലൈഫ് ഗ്ലോബൽ ഫെലോഷിപ്പ് ദുക്റാന തിരുനാളിനെ " അൽമായ പ്രേഷിത ദിനമായി " ആചരിക്കാൻ തീരുമാനിച്ചിരിക്കുകയാണ്. 

ഓരോ ക്രൈസ്തവ വിശ്വാസിയും തന്റെ മാമോദീസാ വിളി പുതുക്കി ഏറ്റെടുക്കുകയും, സഭയിലും സമൂഹത്തിലും ക്രിസ്തുവിന്റെ ജീവിക്കുന്ന സാക്ഷിയാകുകയും ചെയ്യണമെന്നതാണ് ഈ ആചരണത്തിന്റെ ലക്ഷ്യം.

 മാമോദീസ – ഒരു ദൈവവിളി 

മാമോദീസ ഒരു ചടങ്ങ് മാത്രമല്ല; ക്രിസ്തുവിന്റെ ശിഷ്യനും പ്രേഷിതനുമായി ജീവിക്കാനുള്ള ദൈവവിളിയാണ്.

 ക്രിസ്തുവിനെ സ്വീകരിച്ച ഓരോ വിശ്വാസിക്കും സുവിശേഷം വാക്കിലൂടെയും പ്രവർത്തിയിലൂടെയും ലോകത്തിന് പകരാനുള്ള ഉത്തരവാദിത്തമുണ്ട്.

അതുകൊണ്ട് പ്രേഷിത ദൗത്യം വൈദികരുടെയോ സമർപ്പിതരുടെയോ മാത്രം ഉത്തരവാദിത്തമല്ല; മാമോദീസ സ്വീകരിച്ച ഓരോ അൽമായന്റെയും ദൗത്യമാണ്.

അൽമായരാണ് സഭയുടെ ഏറ്റവും വലിയ ശക്തി

സഭയുടെ മഹാഭൂരിപക്ഷവും അൽമായരാണ്. കുടുംബങ്ങളെ രൂപപ്പെടുത്തുന്നതും സമൂഹത്തിന്റെ എല്ലാ മേഖലകളിലും പ്രവർത്തിക്കുന്നതും അൽമായരാണ്.

 വിദ്യാഭ്യാസം, ആരോഗ്യം, രാഷ്ട്രീയം, നീതിന്യായം, മാധ്യമം, വ്യവസായം, കൃഷി, സർക്കാർ സേവനം, വ്യാപാരം, സന്നദ്ധസേവനം—എല്ലായിടത്തും അൽമായർ സാന്നിധ്യമുണ്ട്.

അതുകൊണ്ടുതന്നെ അൽമായർ ഉണർന്നാൽ സഭ ഉണരും .

അൽമായർ വിശ്വാസത്തിൽ വളർന്നാൽ കുടുംബങ്ങൾ ശക്തിപ്പെടും.

അൽമായർ പ്രേഷിത ദൗത്യം ഏറ്റെടുത്താൽ സമൂഹം സുവിശേഷത്തിന്റെ വെളിച്ചം അനുഭവിക്കും.

വിശുദ്ധ തോമാശ്ലീഹായുടെ ജീവിതം – പ്രേഷിതരുടെ മാതൃക

വിശുദ്ധ തോമാശ്ലീഹായുടെ ജീവിതം വിശ്വാസത്തിന്റെയും ധൈര്യത്തിന്റെയും സേവനത്തിന്റെയും പ്രതീകമാണ്.

ഗുന്ഡഫർ (Gondophares) രാജാവ് തനിക്കായി കൊട്ടാരം പണിയാൻ ഏൽപ്പിച്ച സമ്പത്ത് തോമാശ്ലീഹാ ദരിദ്രർക്കും രോഗികൾക്കും വിതരണം ചെയ്തുവെന്നാണ് പ്രാചീന സഭാപാരമ്പര്യം പറയുന്നത്.

പിന്നീട് രാജാവിന് സ്വർഗ്ഗത്തിൽ തനിക്കായി പണിതുയർത്തിയ തേജസ്സുറ്റ കൊട്ടാരം ദർശിക്കാൻ കഴിഞ്ഞു.

ഈ സംഭവം നമ്മെ പഠിപ്പിക്കുന്നത് വളരെ വ്യക്തമാണ്.

ഭൂമിയിൽ സമ്പത്ത് കൂട്ടിച്ചേർക്കുന്നതിനേക്കാൾ ദരിദ്രരുടെ കണ്ണീരൊപ്പി സ്വർഗ്ഗത്തിൽ നിത്യനിധി സമ്പാദിക്കുകയാണ് യഥാർത്ഥ ക്രൈസ്തവ ജീവിതം.

ഇന്നത്തെ അൽമായ പ്രേഷിത ദൗത്യം

ഇന്ന് സഭയും സമൂഹവും നിരവധി വെല്ലുവിളികൾ നേരിടുകയാണ്.

കുടുംബബന്ധങ്ങൾ തകരുന്നു.

ലഹരി വ്യാപിക്കുന്നു.

ആത്മഹത്യകൾ വർധിക്കുന്നു.

ഗർഭസ്ഥ ശിശുവിന്റെ ജീവന് ഭീഷണിയുണ്ട്.

വയോജനങ്ങൾ ഒറ്റപ്പെടുന്നു.

യുവജനങ്ങളിൽ മൂല്യബോധം കുറയുന്നു.

അഴിമതിയും അനീതിയും വർധിക്കുന്നു.

ഈ സാഹചര്യത്തിൽ ദേവാലയത്തിനുള്ളിൽ മാത്രം ഒതുങ്ങുന്ന വിശ്വാസം മതിയാകില്ല.

ഓരോ അൽമായനും സമൂഹത്തിന്റെ നടുവിലേക്ക് ഇറങ്ങി സുവിശേഷം ജീവിതത്തിലൂടെ പ്രഘോഷിക്കണം.

പ്രൊ ലൈഫ് ഗ്ലോബൽ ഫെലോഷിപ്പിന്റെ ആഹ്വാനം

പ്രൊ ലൈഫ് ഗ്ലോബൽ ഫെലോഷിപ്പ് ഓരോ വിശ്വാസിയെയും താഴെപ്പറയുന്ന പ്രേഷിത ദൗത്യങ്ങളിലേക്ക് ക്ഷണിക്കുന്നു.

കുടുംബ പ്രാർത്ഥന ശക്തിപ്പെടുത്തുക.

ബൈബിൾ വായന പ്രോത്സാഹിപ്പിക്കുക.

ജീവനെ സംരക്ഷിക്കുക.

ഗർഭസ്ഥ ശിശുക്കൾക്ക് വേണ്ടി ശബ്ദമുയർത്തുക.

ലഹരിക്കെതിരെ പ്രവർത്തിക്കുക.

രോഗികളെയും വയോജനങ്ങളെയും സന്ദർശിക്കുക.

പാവപ്പെട്ടവരുടെ കണ്ണീരൊപ്പുക.

യുവജനങ്ങൾക്ക് നല്ല മാർഗനിർദ്ദേശം നൽകുക.

പരിസ്ഥിതി സംരക്ഷിക്കുക.

സഭയുടെ പ്രവർത്തനങ്ങളിൽ സജീവമായി പങ്കെടുക്കുക.

സാമൂഹ്യനീതി ഉയർത്തിപ്പിടിക്കുക.

സ്നേഹത്തിന്റെയും സമാധാനത്തിന്റെയും പാലങ്ങളാകുക.

പ്രേഷിത ജീവിതത്തിന്റെ ലളിതമായ മാർഗരേഖ

ഓരോ ദിവസവും ഈ നാല് തീരുമാനങ്ങൾ എടുക്കാം.

എപ്പോഴും സന്തോഷിക്കുക.

എവിടെയും എപ്പോഴും പ്രാർത്ഥിക്കുക.

എപ്പോഴും നന്മകൾ ചിന്തിക്കുക.

എപ്പോഴും നന്മകൾ പ്രവർത്തിക്കുക.

ഈ നാല് കാര്യങ്ങൾ ജീവിതത്തിൽ നടപ്പാക്കിയാൽ ഓരോ അൽമായനും യഥാർത്ഥ പ്രേഷിതനായി മാറും.

അൽമായ പ്രേഷിതരുടെ പ്രാർത്ഥന

കാരുണ്യവാനായ കർത്താവേ,

സുവിശേഷം സഭയിലും സമൂഹത്തിലും ഉചിതമായ രീതിയിൽ പ്രഘോഷിക്കുവാൻ എന്നെയും എന്റെ കുടുംബത്തെയും തിരഞ്ഞെടുത്തതിന് നന്ദിയും സ്തുതിയും അർപ്പിക്കുന്നു.🙏🏽

മാമോദീസയിലൂടെ ലഭിച്ച പ്രേഷിത ദൗത്യം വിശ്വസ്തതയോടെയും സന്തോഷത്തോടെയും നിറവേറ്റുവാൻ ആവശ്യമായ കൃപകൾ എനിക്കും എന്റെ കുടുംബത്തിനും നൽകണമേ.

ഞങ്ങളുടെ കുടുംബത്തെ പ്രാർത്ഥിക്കുന്ന കുടുംബമാക്കണമേ.

ഞങ്ങളുടെ ജീവിതം സ്നേഹത്തിന്റെയും കരുണയുടെയും ജീവന്റെയും സാക്ഷ്യമാകണമേ.🙏🏽

ദരിദ്രരെയും രോഗികളെയും വേദനിക്കുന്നവരെയും ചേർത്തുപിടിക്കുവാനും, ലഹരിയുടെ ഇരകളെ ജീവിതത്തിലേക്ക് തിരികെ കൊണ്ടുവരുവാനും, കുടുംബങ്ങളെ ശക്തിപ്പെടുത്തുവാനും, സഭയിലും സമൂഹത്തിലും സമാധാനത്തിന്റെയും പ്രത്യാശയുടെയും സുവിശേഷത്തിന്റെയും പ്രേഷിതരായി ജീവിക്കുവാനും ഞങ്ങളെ അനുഗ്രഹിക്കണമേ.🙏🏽

വിശുദ്ധ തോമാശ്ലീഹായുടെ മധ്യസ്ഥതയാൽ, ഞങ്ങളുടെ ജീവിതം അനേകർക്ക് അനുഗ്രഹമാകുവാൻ ആവശ്യമായ എല്ലാ കൃപകളും സമൃദ്ധമായി വർഷിക്കണമേ.🙏🏽

ആമേൻ.

---

ഒരു പ്രതിജ്ഞ

"ഞാൻ മാമോദീസ സ്വീകരിച്ച ഒരു ക്രൈസ്തവ വിശ്വാസിയാണ്. അതിനാൽ ഞാൻ ഒരു പ്രേഷിതനാണ്.
 എന്റെ കുടുംബത്തിലും ഇടവകയിലും ജോലിസ്ഥലത്തിലും സമൂഹത്തിലും ക്രിസ്തുവിന്റെ സ്നേഹത്തിന്റെയും സത്യത്തിന്റെയും ജീവന്റെയും സാക്ഷിയായി ജീവിക്കാൻ ഞാൻ പ്രതിജ്ഞ ചെയ്യുന്നു."🙏🏽

ദുക്റാന തിരുനാൾ ആശംസകൾ!🙏🏽🌹

അൽമായ പ്രേഷിത ദിനാശംസകൾ!

 സാബു ജോസ് 
എറണാകുളം
📞 9446329343
sabujosecochin@gmail.com