ഡല്‍ഹി പ്രതിഷേധം: അഭിജീത് ദീപ്‌കെ അടക്കമുള്ള സിജെപി നേതാക്കളെ വിട്ടയച്ചു,ഡല്‍ഹി കാന്റ് പൊലീസ് സ്റ്റേഷനിലെ എക്‌സിക്യൂട്ടീവ് മജിസ്ട്രേറ്റിന്റേതാണ് നടപടി
ഡല്‍ഹി: ഡല്‍ഹിയില്‍ നടന്ന പ്രതിഷേധവുമായി ബന്ധപ്പെട്ട് അറസ്റ്റിലായ സിജെപി നേതാക്കളെ വിട്ടയച്ചു. അഭിജിത് ദീപ്‌കെ, അശുതോഷ് റങ്ക, സൗരവ് ദാസ് എന്നിവരെയാണ് കസ്റ്റഡിയിലെടുത്ത് 24 മണിക്കൂറിന് ശേഷം വിട്ടയച്ചത്.
ഡല്‍ഹി കാന്റ് പൊലീസ് സ്റ്റേഷനിലെ എക്‌സിക്യൂട്ടീവ് മജിസ്ട്രേറ്റിന്റേതാണ് നടപടി. ഇന്ന് രാവിലെ ഒമ്പതരയോടെയാണ് നേതാക്കളെ പൊലീസ് മജിസ്ട്രേറ്റിന് മുന്നില്‍ എത്തിച്ചത്. നേതാക്കളുടെ അറസ്റ്റ് ഡല്‍ഹി പൊലീസ് ഔദ്യോഗികമായി രേഖപ്പെടുത്തിയിരുന്നു.
മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ഡല്‍ഹി ജന്തര്‍ മന്തറിലേക്ക് നടത്താനിരുന്ന സമരത്തിന് മുന്നോടിയായി, ശനിയാഴ്ച വിമാനത്താവളത്തില്‍ വെച്ചാണ് മൂന്ന് നേതാക്കളെയും ഡല്‍ഹി പൊലീസ് കസ്റ്റഡിയിലെടുത്തത്. നേതാക്കളെ വിട്ടയച്ചെങ്കിലും സമരം ശക്തമായി തുടരുമെന്നും ജന്തര്‍ മന്തറിലേക്ക് വീണ്ടും മാര്‍ച്ച് നടത്തുമെന്നും സിജെപി നേതൃത്വം വ്യക്തമാക്കിയിട്ടുണ്ട്.
ഞലമറ അഹീെ റിയാദ് ആക്രമണം: വിമാന സര്‍വിസുകള്‍ റദ്ദാക്കല്‍ നീട്ടി വിമാന കമ്പനികള്‍
സംഘ്പരിവാര്‍ വിരുദ്ധ ഇന്‍ഫ്‌ലുവന്‍സറും യൂട്യൂബറുമായ ധ്രുവ് റാഠിയെ പൊലീസും വിട്ടയച്ചിട്ടുണ്ട്. ഇന്ന് പുലര്‍ച്ചെയോടെയാണ് അദ്ദേഹത്തെ മോചിപ്പിച്ചത്. ഇന്നലെ ഗുരുഗ്രാം സെക്ടര്‍ 56-ലെ വസതിയില്‍ നിന്നാണ് ധ്രുവ് റാഠിയെ പൊലീസ് കസ്റ്റഡിയില്‍ എടുത്തിരുന്നത്.