അസമിൽ പ്രളയസാഹചര്യം കൂടുതൽ രൂക്ഷമാകുന്നു. ദുരന്തത്തിൽ മരിച്ചവരുടെ എണ്ണം നാലായി ഉയർന്നതായി അസം സംസ്ഥാന ദുരന്തനിവാരണ അതോറിറ്റി (ASDMA) പുറത്തിറക്കിയ വാർത്താക്കുറിപ്പിൽ അറിയിച്ചു. പ്രളയം ബാധിച്ചവരുടെ എണ്ണം പെട്ടെന്ന് നാല് മടങ്ങോളം വർധിച്ച് 35,000 കടന്നു.

സോനിത്പൂർ, ദിബ്രുഗഡ്, ലഖിംപൂർ, ധേമാജി, ജോർഹട്ട്, ശിവസാഗർ എന്നീ ആറ് ജില്ലകളിലെ 12 റെവന്യൂ സർക്കിളുകളിലായി 99 ഗ്രാമങ്ങൾ വെള്ളത്തിനടിയിലായി. കഴിഞ്ഞ 24 മണിക്കൂറിനിടെ സോനിത്പൂർ ജില്ലയിലെ നദുവർ റെവന്യൂ സർക്കിളിലാണ് പുതിയ മരണം റിപ്പോർട്ട് ചെയ്തത്. പ്രളയം ഏറ്റവും രൂക്ഷമായി ബാധിച്ചത് ലഖിംപൂർ ജില്ലയെയാണ്. ഇവിടെ മാത്രം 35,696 ആളുകളെ വെള്ളപ്പൊക്കം നേരിട്ട് ബാധിച്ചു.

സോനിത്പൂർ ജില്ലയിൽ നിന്ന് സ്റ്റേറ്റ് ഡിസാസ്റ്റർ റെസ്‌പോൺസ് ഫോഴ്‌സ് (SDRF) 16 പേരെ രക്ഷപ്പെടുത്തി. ദുരിതബാധിതർക്കായി 20 കേന്ദ്രങ്ങൾ വഴി റേഷൻ ഉൾപ്പെടെയുള്ള ആശ്വാസ സാമഗ്രികൾ വിതരണം ചെയ്യുന്നുണ്ട്.