കരുതലുള്ള സമൂഹം സൃഷ്ടിക്കാം : ആരാണ് നമ്മുടെ അയൽക്കാർ ?
 

മനുഷ്യൻ ഒറ്റയ്ക്ക് ജീവിക്കേണ്ടവനല്ല; പരസ്പര സ്നേഹത്തിലും കരുതലുമാണ് ജീവിതം അർത്ഥപൂർണമാകുന്നത്. മത-രാഷ്ട്രീയ ചിന്തകൾക്കപ്പുറം, സഹായം ആവശ്യമുള്ള ഏതൊരു മനുഷ്യനും നമ്മുടെ അയൽക്കാരനാണ്.

കേരളത്തിലെ ഓരോ ഗ്രാമത്തിലും നഗരത്തിലും കരുതലിന്റെ ഒരു പുതിയ സംസ്കാരം വളർത്തിയെടുക്കേണ്ടത് അത്യന്താപേക്ഷിതമാണ്:
* വാർഡ് തലത്തിൽ: സാമൂഹിക സേവനതൽപരരെ ഉൾപ്പെടുത്തി ഓരോ പഞ്ചായത്ത് വാർഡിലും 'കാരുണ്യപ്രവർത്തകരുടെ കൂട്ടായ്മ' രൂപീകരിക്കുക.
* ഇടവകകളിൽ: ക്രൈസ്തവ സഭകൾ 'നല്ല സമരിയാക്കാരുടെ സമിതി' രൂപീകരിച്ച് വേദനിക്കുന്നവരെ ചേർത്തുപിടിക്കുക.
* മത-ആത്മീയ സംഘടനകൾ: മഹല്ലുകൾ, ജമാഅത്തുകൾ, ക്ഷേത്രങ്ങൾ, മറ്റ് മതവിഭാഗങ്ങൾ എന്നിവർ തങ്ങളുടേതായ കാരുണ്യസേവന സമിതികൾ ആരംഭിക്കുക.
* രാഷ്ട്രീയ പ്രസ്ഥാനങ്ങൾ: തിരഞ്ഞെടുപ്പ് രാഷ്ട്രീയത്തിനപ്പുറം, ജനങ്ങളുടെ ദൈനംദിന പ്രശ്നങ്ങളിൽ ഇടപെടാൻ എല്ലാ പാർട്ടികളും കാരുണ്യസേവന സമിതികൾ രൂപീകരിക്കുക.
* ഏകോപനം: സർക്കാർ സംവിധാനങ്ങളും സന്നദ്ധ സംഘടനകളും കൈകോർക്കുമ്പോൾ അർഹരായ ഒരാളും അവഗണിക്കപ്പെടില്ല.

> നമ്മുടെ സ്വപ്നം:
> * ഓരോ വാർഡിലും ഒരു കാരുണ്യക്കൂട്ടായ്മ.
> * ഓരോ ഇടവകയിലും നല്ല സമരിയാക്കാർ.
> * ഓരോ മതത്തിലും സേവനസമിതികൾ.
> * ആരും അനാഥരാകാത്ത ഒരു സമൂഹം.
>
മതം മനുഷ്യനെ സ്നേഹിക്കാൻ പഠിപ്പിക്കട്ടെ; രാഷ്ട്രീയം സേവിക്കാൻ പ്രേരിപ്പിക്കട്ടെ; സമൂഹം പരസ്പര കരുതലിന്റെ ഇടമാകട്ടെ!
— *സാബുജോസ്*
: 9446329343