ആലുവയില്‍ പാലം പണി; മൂന്ന് ട്രെയിനുകള്‍ വൈകിയോടുന്നു
Aug 6, 2025, 18:23 IST
ആലുവ: ആലുവയില്‍ പാലം പണിയെ തുടര്‍ന്ന് ട്രെയിന്‍ ഗതാഗത്തില്‍ വീണ്ടും നിയന്ത്രണമേർപ്പെടുത്തി. ഇതേ തുടർന്ന് എറണാകുളം– പാലക്കാട് മെമു, പാലക്കാട് – എറണാകുളം മെമു സര്‍വീസുകള്‍ റദ്ദാക്കി. ചില ട്രെയിനുകള്‍ വൈകിയോടുമെന്നും അധികൃതർ അറിയിച്ചിട്ടുണ്ട്.
ഇന്‍ഡോര്‍ – തിരുവനന്തപുരം നോര്‍ത്ത് സൂപ്പര്‍ഫാസ്റ്റ് 1 മണിക്കൂര്‍ 30 മിനിറ്റ് വൈകിയോടും. കണ്ണൂര്‍ – ആലപ്പുഴ എക്സിക്യൂട്ടീവ് 1 മണിക്കൂര്‍ 20 മിനിറ്റും വൈകും. സെക്കന്തരാബാദ് – തിരുവനന്തപുരം ശബരി എക്സ്പ്രസ് 30 മിനിറ്റും വൈകിയോടും.
അതേസമയം യാത്രക്കാര്‍ റയില്‍വേ ആപ്പില്‍ നോക്കി സമയം ഉറപ്പുവരുത്തി യാത്ര ചെയ്യണമെന്ന് റെയില്‍വേ അറിയിച്ചു. വരും ദിവസങ്ങളിലും ചില ട്രെയിനുകൾ വൈകി ഓടുമെന്ന് റെയിൽവേ വ്യക്തമാക്കി.