സിഎംആര്എല്- എക്സാലോജിക് മാസപ്പടി കേസ്: വീണ ടിയുടെ ഇന്നത്തെ ചോദ്യം ചെയ്യല് പൂര്ത്തിയായി
സിഎംആര്എല്-എക്സാലോജിക് മാസപ്പടി കേസില്, പ്രതിപക്ഷ നേതാവ് പിണറായി വിജയന്റെ മകള് വീണ ടിയുടെ ഇന്നത്തെ ഇഡി ചോദ്യം ചെയ്യല് പൂര്ത്തിയായി. എട്ട് മണിക്കൂര് നീണ്ട ചോദ്യം ചെയ്യലിന് ശേഷമാണ് വീണ മടങ്ങിയത്. ഭര്ത്താവും എംഎല്എയുമായ മുഹമ്മദ് റിയാസിനൊപ്പമാണ് വീണ ഇ ഡി ഓഫീസില് എത്തിയിരുന്നത്.
പിഎംഎല്എ ആക്ട് 50 പ്രകരമാണ് ചോദ്യം ചെയ്യാന് വിളിപ്പിച്ചത്. എസ്എഫ്ഐഒ കണ്ടെത്തലുകളും, ഇ ഡി ശേഖരിച്ച വിവരങ്ങളുടെയും അടിസ്ഥാനത്തിലാണ് ചോദ്യം ചെയ്യല്. സിഎംആര്എല്ലിന് എക്സാലോജിക് നല്കിയിട്ടുള്ള സേവനങ്ങളെ കുറിച്ചാണ് പ്രധാനമായും ചോദിച്ചറിയുക.
കഴിഞ്ഞ വെള്ളിയാഴ്ച ഹാജരാവാന് ആവശ്യപ്പെട്ടിരുന്നെങ്കിലും ആരോഗ്യപ്രശ്നത്തെ തുടര്ന്ന് എത്തിയില്ല. എസ്എഫ്ഐഒ റിപ്പോര്ട്ടിന്റെ വിവരങ്ങളും, റെയ്ഡില് പിടിച്ചെടുത്ത രേഖകളുടെയും അടിസ്ഥാനത്തിലാണ് ചോദ്യം ചെയ്യല്. 2016 മുതല് 2020, 2021 വരെയുള്ള കാലയളവില് രണ്ട് കോടി എഴുപത്തി എട്ട് ലക്ഷത്തി ആയിരം രൂപ വീണയക്കും കമ്പനിയക്കുമായി കരിമണല് കമ്പനിയില് നിന്ന് ഐടി സേവനങ്ങള്ക്ക് എന്നപേരില് നല്കിയിട്ടുണ്ട്. എന്നാല്, എക്സാലോജിക് കമ്പനി കരിമണല് കമ്പനിയ്ക്കായി പ്രത്യേക സേവനങ്ങളൊന്നും ചെയ്തില്ലെന്നാണ് ആദ്യം അന്വേഷണം നടത്തിയ എസ്എഫ്ഐഒ കണ്ടെത്തല്.