വിവിധ രൂപതകളില്‍ നിന്നുള്ള കുട്ടികളുടെ പ്രതിഭാസംഗമം നടത്തി

 
PRATHIBA SANGAHAM



കാക്കനാട്: സീറോമലബാര്‍ സഭയിലെ വിവിധ രൂപതകളില്‍നിന്നും തിരഞ്ഞെടുക്കപ്പെട്ട കുട്ടികളുടെ പ്രതിഭാസംഗമം 2025 ഡിസംബര്‍ 26,27,28 തീയതികളില്‍ കാക്കനാട് മൗണ്ട് സെന്റ് തോമസില്‍വെച്ച് നടത്തപ്പെട്ടു. 


സഭയിലെ വിവിധ രൂപതകളിലെ സണ്‍ഡേ സ്‌കൂളുകളില്‍ പഠിക്കുന്ന കുട്ടികളില്‍നിന്നും മാതൃകാപരമായി വിശ്വാസപരിശീലനം നേടുന്നവരെ സഭാതലത്തില്‍ ആദരിക്കുന്നതിനുള്ള വേദിയാണ് പ്രതിഭാസംഗമം.

ഈശോമിശിഹായിലുള്ള വിശ്വാസത്തില്‍ ആഴപ്പെടുക, സഭയോടുള്ള സ്‌നേഹത്തില്‍ വളരുക, സീറോ മലബാര്‍ സഭാംഗങ്ങളെന്ന നിലയിലുള്ള ക്രൈസ്തവ വ്യക്തിത്വത്തിന്റെ പ്രധാന്യം തിരിച്ചറിയുക, സഭയെന്ന നിലയില്‍ ഒന്നിച്ചു വളരുക എന്നീ ലക്ഷ്യങ്ങലോടെയാണ് എല്ലാവര്‍ഷവും സഭാസ്ഥാനത്തുവച്ചു ഈ പ്രോഗ്രാം സംഘടിപ്പിക്കുന്നത്. 


സീറോ മലബാര്‍ കാറ്റക്കെറ്റിക്കല്‍ കമ്മീഷന്റെ നേതൃത്വത്തില്‍ നടത്തപ്പെട്ട സംഗമത്തില്‍വെച്ച് സഭയുടെ പിതാവും തലവനുമായ മേജര്‍ ആര്‍ച്ച് ബിഷപ്പ് മാര്‍ റഫേല്‍ തട്ടില്‍ പ്രതിഭകളെ ആദരിച്ചു.

കമ്മീഷന്‍ ചെയര്‍മാന്‍ മാര്‍ ജോസ് പുളിക്കല്‍, കമ്മീഷന്‍ അംഗം മാര്‍ പോള്‍ ആലപ്പാട്ട് എന്നിവര്‍ കുട്ടികളുമായി സംവദിച്ചു.

 കമ്മീഷന്‍ സെക്രട്ടറി ഫാ. ജോഷി പാണംപറമ്പില്‍ അസി. സെക്രട്ടറി ഫാ. ജോസഫ് കല്ലറയ്ക്കല്‍ ഫാ.മനു എം എസ് റ്റി. സി. ജിസ്ലെറ്റ് എം എസ് ജെ, സി. ഡിവീന, ജെബിന്‍, സച്ചിന്‍ എന്നിവര്‍ സംഗമത്തിന് നേതൃത്വം നല്‍കി. വിവിധ രൂപതകളില്‍നിന്നായി പന്ത്രണ്ടാം ക്ലാസില്‍ പഠിക്കുന്ന അറുപതില്‍പരം കുട്ടികള്‍ പങ്കെടുത്തു. 

വിവിധ മേഖലകളില്‍ പ്രഗത്ഭരായ വ്യക്തികള്‍ ക്ലാസ്സുകള്‍ക്കു നേതൃത്വം നല്‍കി.

Tags

Share this story

From Around the Web