ഉറങ്ങും മുന്പ്.........തന്റെ വലത്തു കൈയ്, ബലിഷ്ഠമായ ഭുജം, ഉയര്ത്തി കര്ത്താവ് സത്യം ചെയ്തിരിക്കുന്നു
കരുണയുള്ള ഞങ്ങളുടെ നല്ല ദൈവമേ... ഞങ്ങളുടെ പരിപാലനയ്ക്കായി സ്വര്ഗ്ഗത്തില് അവിടുത്തെ സന്നിധിയില് പ്രാര്ത്ഥിക്കുവാന് ഒരു ദൂതനെ നിയോഗിച്ചതിനായി അവിടുത്തേക്ക് നന്ദി. ഞങ്ങളുടെ ആത്മാവ് വേദനിക്കുമ്പോള് അവിടുത്തെ സന്നിധിയില് മാദ്ധ്യസ്ഥ്യം വഹിച്ചു കൊണ്ട് ഞങ്ങളുടെ ജീവിതത്തിലേയ്ക്ക് വലിയ അനുഗ്രഹങ്ങള് മാലാഖവാങ്ങി തരുന്നുവല്ലോ. ദൈവമേ ഇന്നേ ദിനത്തില് ഞങ്ങളുടെ കാവല് മാലാഖയുടെ മധ്യസ്ഥതയില് ഞങ്ങള് സമര്പ്പിക്കുന്ന പ്രാര്ത്ഥനകള് അവിടുന്ന് സ്വീകരിക്കേണമേ. ഈ ലോകത്തിന്റെ പ്രതിസന്ധികളില് കൂടി കടന്നു പോകുമ്പോള്, പ്രാര്ത്ഥിക്കുവാന് സാധിക്കാത്ത അവസ്ഥകളില് ഉഴലുമ്പോള്, എല്ലാം മാലാഖയുടെ സംരക്ഷണം അനുഭവിക്കുവാന് ഞങ്ങള്ക്ക്
സാധിക്കട്ടെ. ആരെയും ഒരു നിന്ദാവചനം കൊണ്ട് പോലും വിഷമിപ്പിക്കാതെയിരിക്കുവാന് അനുഗ്രഹിക്കണമേ. നല്ല ദൈവമേ, ഈ ദിനത്തില് ഞങ്ങളുടെ ആഗ്രഹങ്ങളെ കാവല്മാലാഖ വഴി അവിടുത്തെ സന്നിധിയില് സമര്പ്പിച്ചു പ്രാര്ത്ഥിക്കുന്നു. യഥാര്ത്ഥമായ ആഗ്രഹത്തോടെ, തീവ്രമായ വിശ്വാസത്തോടെ പ്രാര്ത്ഥിക്കുവാന് അനുഗ്രഹിക്കണമേ. കര്ത്താവേ, വലിയ സന്തോഷം അനുഭവിക്കുവാന് ഇടയാക്കണമേ. പരിഹസിക്കപ്പെടുന്ന മേഖലകളില് വലിയ വിജയം വരിക്കുവാന് കര്ത്താവേ അനുഗ്രഹം നല്കണമേ. ദൈവത്തിന്റെ മഹിമയുള്ള പ്രഭുവും ഞങ്ങളെ ഭരിപ്പാനായി ദൈവം ഏല്പിച്ച വിശ്വാസമുള്ള ഞങ്ങളുടെ കാവല്ക്കാരനുമായ പരിശുദ്ധ മാലാഖയെ അങ്ങേ ഞങ്ങള് വാഴ്ത്തുന്നു. അയോഗ്യരായ ഞങ്ങളെ ഇത്രനാള് ഇത്ര വിശ്വസ്തതയോടെ സഹായിക്കുകയും ആത്മാവിനേയും ശരീരത്തേയും കാത്തുരക്ഷിക്കയും ചെയ്യുന്ന അങ്ങേക്ക് ഞങ്ങളെത്രയോ കടക്കാരാകുന്നു. ഞങ്ങള് ദുഷ്ടശത്രുക്കളില് നിന്നും രക്ഷിക്കപ്പെട്ട് ദൈവപ്രസാദവരത്തില് മരണത്തോളം നിലനില്ക്കുവാനും അങ്ങയോടുകൂടി സ്വര്ഗ്ഗത്തില് നമ്മുടെ കര്ത്താവിനെ സദാകാലം സ്തുതിക്കാനുമായിട്ട് ഞങ്ങളെ അങ്ങേയ്ക്ക് ഏല്പിച്ചിരിക്കുന്നു...
ആമേന്