ഉറങ്ങും മുന്പ്.........എന്റെ വാക്കുകള് അനുസരിക്കുകയും, എന്റെ കല്പനകള്
നിധിപോലെ കാത്തു സൂക്ഷിക്കുകയും ചെയ്യുക
അമ്മയെ പോലെ ഞങ്ങളെ ആശ്വസിപ്പിക്കുന്ന നല്ല ഈശോയെ... ഇന്നേ ദിവസത്തെ അധ്വാനത്തിന്റെയും കഷ്ടപ്പാടിന്റെയും നടുവില് ഞങ്ങൾ അവിടുത്തെ സന്നിധിയില് ആശ്വസത്തിനായി ഈ രാത്രിയില് അണയുന്നു. അമ്മയെ പോലെ അവിടുത്തെ മാറോടു ചേര്ത്തണച്ച് ഞങ്ങളെ അനുഗ്രഹിക്കണമേ.
ഈശോയേ... ജോലിയിലും മറ്റും ഒത്തിരി കഷ്ടപ്പാടും വേദനയും ഞങ്ങൾ അനുഭവിക്കുന്നു. അതെല്ലാം അവിടുത്തെ കരങ്ങളില് സമര്പ്പിച്ചു പ്രാര്ത്ഥിക്കുന്നു.
ഞങ്ങളുടെ ആത്മനാഥ...
ഞങ്ങളുടെ അധ്വാനത്തെ അവിടുന്ന് കാണുന്നുണ്ടെല്ലോ. ഞങ്ങളുടെ ജോലിയെയും ജോലി മേഖലകളെയും അനുഗ്രഹിക്കണമേ.
ഈശോയേ... കഷ്ടപ്പാടിലൂടെ കടന്നു പോകുന്ന മക്കളെ ഓര്ത്തു പ്രാര്ത്ഥിക്കുന്നു. വര്ഷങ്ങളായി ഞങ്ങൾ വഹിക്കുന്ന കട ബാധ്യത, സാമ്പത്തിക പ്രതിസന്ധി എല്ലാം അവിടുത്തേക്ക് സമര്പ്പിക്കുന്നു.
ദൈവമേ ഞങ്ങളെ ആശ്വസിപ്പിക്കണമേ. ഈശോയെ അവിടുന്ന് നല്കിയ സമ്പത്ത് പാപത്തിനായി ഉപയോഗിച്ച നിമിഷങ്ങള്ക്കായി മാപ്പ് ചോദിക്കുന്നു.
കരുണയായിരിക്കണമേ. അവിടുന്ന് ഞങ്ങളുടെ കഷ്ടപ്പാടുകള് കാണുന്നുണ്ട്, അവിടുന്ന് ഏറ്റെടുക്കും എന്ന പൂര്ണ വിശ്വാസത്തോടെ ഞങ്ങൾ ഇതാ ഉറങ്ങാന് പോകുന്നു.
കണ്ണുനീരിനെ മറി കടക്കാത്ത കര്ത്താവേ സുഖ നിദ്ര നൽകി അനുഗ്രഹിക്കണമേ... ആമേൻ