ഉറങ്ങും മുൻപ്........പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ, ആമേൻ

കാരുണ്യവാനായ ഞങ്ങളുടെ നല്ല ദൈവമേ... സ്വർഗ്ഗീയ പിതാവേ, അവിടുന്ന് ഞങ്ങൾക്ക് ദാനമായി നൽകിയ ഈ നല്ല ദിവസത്തിനായി ഞങ്ങൾ നന്ദി പറയുന്നു. പകൽസമയത്തെ എല്ലാ ജോലികളിലും അധ്വാനങ്ങളിലും അവിടുന്ന് ഞങ്ങളെ വഴിനടത്തി. ഇപ്പോൾ ഈ സന്ധ്യാസമയത്ത്, അങ്ങയുടെ സന്നിധിയിൽ ഞങ്ങൾ ഒരുമിച്ചുകൂടി അങ്ങയെ ആരാധിക്കുന്നു, സ്തുതിക്കുന്നു.
കർത്താവേ, അങ്ങയുടെ തിരുവചനം ഞങ്ങളെ ഓർമ്മിപ്പിക്കുന്നുവല്ലോ:

 "അവിടുന്നു നിന്നെ വേടന്റെ കെണിയില്‍നിന്നും മാരകമായ മഹാമാരിയില്‍നിന്നും രക്‌ഷിക്കും" 
സങ്കീര്‍ത്തനങ്ങള്‍ 91 : 3

നാഥാ, ഈ വചനം ഞങ്ങളുടെ ജീവിതത്തിൽ പൂർണ്ണമായും അർത്ഥവത്താകണമേ എന്ന് ഞങ്ങൾ പ്രാർത്ഥിക്കുന്നു. അനുദിന ജീവിതത്തിൽ ഞങ്ങൾക്ക് ചുറ്റുമുള്ള തിന്മയുടെ ശക്തികളിൽ നിന്നും, പിശാചിന്റെ പ്രലോഭനങ്ങളാകുന്ന വേടന്റെ കെണികളിൽ നിന്നും ഞങ്ങളെയും ഞങ്ങളുടെ കുടുംബത്തെയും അവിടുന്ന് കാത്തുരക്ഷിക്കണമേ. ഞങ്ങളുടെ ശരീരത്തെയോ ആത്മാവിനെയോ തളർത്തുന്ന മാരകമായ രോഗങ്ങളിൽ നിന്നും, പകർച്ചവ്യാധികളിൽ നിന്നും, മാനസികമായ തകർച്ചകളിൽ നിന്നും അങ്ങയുടെ ശക്തമായ കൈകളാൽ ഞങ്ങൾക്ക് സംരക്ഷണം നൽകണമേ.
ഞങ്ങൾ അറിയുന്നതും അറിയാത്തതുമായ എല്ലാ അപകടങ്ങളിൽ നിന്നും അദൃശ്യമായ ചതിക്കുഴികളിൽ നിന്നും അങ്ങയുടെ തിരുരക്തത്താൽ ഞങ്ങളെ മൂടി കാത്തുപാലിക്കണമേ. അങ്ങയുടെ ചിറകിൻ കീഴിൽ ഞങ്ങൾക്ക് അഭയം നൽകണമേ. അങ്ങയിലുള്ള ആശ്രയം ഞങ്ങളിൽ വർദ്ധിപ്പിക്കണമേ.
ഈ രാത്രിയിൽ ഞങ്ങൾ ഉറങ്ങാൻ കിടക്കുമ്പോൾ അങ്ങയുടെ വിശുദ്ധ ദൂതന്മാരുടെ കാവൽ ഞങ്ങൾക്ക് നൽകണമേ. ഭയമില്ലാതെ, സമാധാനത്തോടെ ഉറങ്ങാൻ ഞങ്ങളെ അനുഗ്രഹിക്കണമേ. നാളത്തെ പുതിയ പ്രഭാതം കാണുവാൻ ഞങ്ങളെ യോഗ്യരാക്കണമേ. ഞങ്ങളുടെ പ്രാർത്ഥനകൾ അങ്ങേ സന്നിധിയിൽ സമർപ്പിക്കുന്നു കേട്ടരുളേണമേ...
ആമേൻ