ലെയോ പാപ്പയെ കാത്ത് സ്പെയിനിലെ അഗസ്തീനിയൻ സമൂഹം

ലെയോ പതിനാലാമൻ പാപ്പയെ സ്പെയിനിലെ അഗസ്തീനിയൻ സമൂഹം വളരെ ആകാംക്ഷയോടെ കാത്തിരിക്കുകയാണ്. 2000 മുതൽ 2024 വരെ അഗസ്തീനിയൻ സമൂഹത്തിന്റെ പ്രിയോർ ജനറലായിരുന്ന സമയത്ത് പത്തോളം തവണ പാപ്പ സ്പെയിൻ സന്ദർശിച്ചിട്ടുണ്ട്. ആ സമയങ്ങളിൽ മാലഗ, സെവില്ലെ, ലിയോൺ, വലൻസിയ, സരഗോസ, സാന്റാൻഡർ, ഹുവൽവ, വല്ലഡോളിഡ്, മാഡ്രിഡ്, ബിൽബാവോ, പാലൻസിയ, അവില എന്നിവിടങ്ങളിൽ പാപ്പ സന്ദർശനം നടത്തിയിട്ടുണ്ട്.

അപ്പസ്തോലിക യാത്രയുടെ രണ്ടാം ദിവസമായ ജൂൺ ഏഴിന് പാപ്പ, മാഡ്രിഡിലെ അപ്പസ്തോലിക നൂൺഷിയേച്ചറിൽ വച്ച് അഗസ്തീനിയൻ സമൂഹത്തിന്റെ ഒരു പ്രതിനിധി സംഘവുമായി ഒരു സ്വകാര്യ കൂടിക്കാഴ്ച നടത്തും. സ്പെയിനിലും പോർച്ചുഗലിലുമുള്ള അഗസ്തീനിയൻ പ്രവിശ്യയിൽ 338 സന്യാസിമാരാണ് ഉള്ളത്.

സ്പെയിനിലെ ഓർഡർ ഓഫ് സെന്റ് അഗസ്റ്റിൻ, റോയൽ യൂണിവേഴ്സിറ്റി സെന്റർ എസ്കോറിയൽ-മരിയ ക്രിസ്റ്റീനയ്ക്ക് പുറമേ 17 സ്കൂളുകളും മൂന്ന് യൂണിവേഴ്സിറ്റി റെസിഡൻഷ്യൽ കോളേജുകളും നടത്തുന്നു. ഈ പ്രവർത്തനം ഏകദേശം 18,000 വിദ്യാർഥികൾക്ക് പ്രയോജനം ചെയ്യുന്നു, കൂടാതെ 1,500 അധ്യാപകർ, സപ്പോർട്ട് സ്റ്റാഫ്, അഡ്മിനിസ്ട്രേറ്റർമാർ എന്നിവരും സേവനം ചെയ്യുന്നു.