ജോർദാനിലെ ദേവാലയത്തിൽ ശവസംസ്കാര ചടങ്ങിനിടെ വെടിവെപ്പ്: 12പേർ കൊല്ലപ്പെട്ടു

അമ്മാൻ: ജോർദാനിലെ കരക് പ്രവിശ്യയിലുള്ള ഹമൂദ് ഗ്രാമത്തിലെ ഗ്രീക്ക് ഓർത്തഡോക്സ് ക്രിസ്ത്യൻ ദേവാലയത്തിൽ ശവസംസ്കാര ചടങ്ങിനിടെ അജ്ഞാതരായ ആയുധധാരികൾ നടത്തിയ വെടിവെപ്പിൽ നിരവധി പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു.

ആദ്യം പുറത്തുവന്ന റിപ്പോർട്ടുകളിൽ മരണസംഖ്യ 6 മുതൽ 7 വരെയാണെന്ന് പ്രാദേശിക മാധ്യമങ്ങളും സർക്കാർ വക്താക്കളും സ്ഥിരീകരിച്ചിരുന്നെങ്കിലും, പരിക്കേറ്റ പലരുടെയും നില ഗുരുതരമായി തുടരുന്നതിനാൽ മരണസംഖ്യ 12 ആയി ഉയർന്നതായി അന്താരാഷ്ട്ര മാധ്യമ റിപ്പോർട്ടുകൾ സൂചിപ്പിക്കുന്നു.

വെള്ളിയാഴ്ച വൈകുന്നേരം പള്ളിയിൽ നടക്കുകയായിരുന്ന സംസ്കാര ചടങ്ങിലേക്ക് വാഹനത്തിലെത്തിയ രണ്ട് ആയുധധാരികൾ അതിക്രമിച്ചു കയറി ജനക്കൂട്ടത്തിന് നേരെ മിനിറ്റുകളോളം വെടിയുതിർക്കുകയായിരുന്നു. പള്ളിക്ക് അകത്തും പുറത്തുമായി തടിച്ചുകൂടിയ വിശ്വാസികൾക്ക് നേരെയാണ് ആക്രമണമുണ്ടായത്.