വായു മലിനീകരണം അതിരൂക്ഷം, ഡല്‍ഹിയില്‍ കര്‍ശന നിയന്ത്രണങ്ങള്‍; മാനദണ്ഡങ്ങള്‍ പാലിക്കാത്ത പഴയ ഡീസല്‍, പെട്രോള്‍ വാഹനങ്ങള്‍ക്കാണ് നിയന്ത്രണം
ന്യൂഡല്‍ഹി: വായു മലിനീകരണം രൂക്ഷമായ പശ്ചാത്തലത്തില്‍ ഡല്‍ഹി-എന്‍സിആര്‍ മേഖലയില്‍ ശീതകാല കര്‍മപദ്ധതിയുടെ ഭാഗമായി അധികൃതര്‍ കര്‍ശനമായ നിയന്ത്രണങ്ങള്‍ പ്രഖ്യാപിച്ചു. അന്തരീക്ഷ മലിനീകരണത്തിന്റെ തോത് അപകടകരമായ അവസ്ഥയിലേക്ക് നീങ്ങുന്ന സാഹചര്യത്തിലാണ് നഗരത്തില്‍ അടിയന്തര പ്രതിരോധ നടപടികള്‍ സ്വീകരിച്ചിരിക്കുന്നത്. മാനദണ്ഡങ്ങള്‍ പാലിക്കാത്ത പഴയ ഡീസല്‍, പെട്രോള്‍ വാഹനങ്ങള്‍ക്കാണ് നിയന്ത്രണം.
നടപ്പിലാക്കുന്ന പ്രധാന നിയന്ത്രണങ്ങള്‍:
1. പഴയ വാഹനങ്ങള്‍ക്ക് കര്‍ശന വിലക്ക്: മലിനീകരണ തോത് വര്‍ധിപ്പിക്കുന്ന പഴക്കം ചെന്ന ഡീസല്‍, പെട്രോള്‍ വാഹനങ്ങള്‍ക്കും ബിഎസ്-6 (ആടഢക) മാനദണ്ഡങ്ങള്‍ പാലിക്കാത്തവയ്ക്കും നഗരത്തില്‍ കര്‍ശന നിയന്ത്രണം ഏര്‍പ്പെടുത്തി. ചട്ടങ്ങള്‍ ലംഘിക്കുന്ന വാഹന ഉടമകളില്‍ നിന്ന് കനത്ത പിഴ ഈടാക്കും.
ഞലമറ അഹീെ ചോക്ലേറ്റ് കഴിച്ചതിന് ശകാരിച്ചതില്‍ പക; രണ്ടാഴ്ച കൊലപാതകം ആസൂത്രണം ചെയ്തു; നാല് വയസുകാരനെ വാട്ടര്‍ ടാങ്കില്‍ തള്ളിയിട്ട് കൊന്ന് പന്ത്രണ്ടുകാരി
2. 50 ശതമാനം ജീവനക്കാര്‍ക്ക് 'വര്‍ക്ക് ഫ്രം ഹോം': റോഡുകളിലെ വാഹന തിരക്ക് കുറയ്ക്കുന്നതിന്റെ ഭാഗമായി സര്‍ക്കാര്‍, സ്വകാര്യ ഓഫീസുകളില്‍ പകുതി ജീവനക്കാര്‍ക്ക് വീട്ടിലിരുന്ന് ജോലി ചെയ്യാന്‍ നിര്‍ദേശം നല്‍കിയിട്ടുണ്ട്.
3. നിര്‍മാണ പ്രവര്‍ത്തനങ്ങള്‍ക്ക് നിയന്ത്രണം: വായുവില്‍ പൊടിപടലങ്ങള്‍ ഉയരുന്ന വലിയ നിര്‍മാണ പ്രവര്‍ത്തനങ്ങളും പൊളിക്കലുകളും താത്കാലികമായി നിര്‍ത്തിവെക്കാന്‍ അധികൃതര്‍ ഉത്തരവിട്ടു.
4. പൊതുഗതാഗത പ്രോത്സാഹനം: വ്യക്തിഗത വാഹനങ്ങളുടെ ഉപയോഗം പരമാവധി കുറയ്ക്കുന്നതിനായി പൊതുഗതാഗതം ശക്തിപ്പെടുത്തുകയും പാര്‍ക്കിങ് ഫീസ് വര്‍ധിപ്പിക്കുകയും ചെയ്തിട്ടുണ്ട്.
എല്ലാ വര്‍ഷവും ശീതകാലത്ത് ഡല്‍ഹി അഭിമുഖീകരിക്കാറുള്ള പുകമഞ്ഞ് പ്രതിസന്ധിയെ നേരിടാനാണ് ഈ മുന്‍കരുതല്‍ നടപടികള്‍. വായുവിന്റെ ഗുണനിലവാരം മെച്ചപ്പെടുന്നത് വരെ ഈ നിയന്ത്രണങ്ങള്‍ കര്‍ശനമായി തുടരുമെന്ന് പരിസ്ഥിതി വകുപ്പ് അറിയിച്ചു.