ഡാനിയേലച്ചന് നയിക്കുന്ന ഒരാഴ്ചത്തെ താമസിച്ചുള്ള ബൈബിള് പഠന ധ്യാനം 2026 നവംബര് 23 മുതല് 29 വരെ യുകെയില്
'കര്ത്താവിന്റെ സന്നിധിയില് താഴ്മയുള്ളവരായിരിക്കുവിന്. അവിടുന്നു നിങ്ങളെ ഉയര്ത്തും'' (യാക്കോബ് 4:10).
പ്രശസ്ത വചനപ്രഘോഷകനും, ''ബൈബിള് ഇന് എ ഇയര്'' വചന പഠന പരമ്പരയിലൂടെ ലോകമെങ്ങുമുള്ള മലയാളികളെ വി.ഗ്രന്ഥത്തിന്റെ ആഴങ്ങളിലേക്ക് നയിക്കുകയും ചെയ്ത ഫാ. ഡാനിയേല് പൂവണ്ണത്തില് നയിക്കുന്ന 7 ദിവസത്തെ ബൈബിള് പഠന ധ്യാനം 2026 നവംബര് 23 തിങ്കള് മുതല് 29 ഞായര് വരെ നോര്ത്ത് വെയില്സിലെ കഫെന് ലീ പാര്ക്കില് നടത്തുന്നു.
ഡാനിയേലച്ചനോടൊപ്പം ഒരാഴ്ച താമസിച്ചുള്ള ഈ ശുശ്രൂഷക്ക് താമസത്തിനും ഭക്ഷണത്തിനുമായുള്ള രജിസ്ട്രേഷന് ഫീസ് 325 പൗണ്ടാണ്. വചന പഠനത്തിന്റെ ദിവസങ്ങളില് വിശുദ്ധ കുര്ബാനയും, കുമ്പസാരത്തിനുള്ള അവസരവും ഉണ്ടായിരിക്കുന്നതാണ്. ഡിവൈന് യു.കെ ഡയറക്ടര് ഫാ. ജോസഫ് എടാട്ട് ശുശ്രൂഷകളില് സഹായിക്കാന് ഉണ്ടാവും. ദൈവവചനത്തെ ഗൗരവമായി കാണുന്നവര്ക്കും ദൈവവചനത്തിന്റെ ഉള്ക്കാഴ്ചകള് ഗ്രഹിക്കാന് ആഗ്രഹിക്കുന്നവര്ക്കും ഈ വചന പഠന ശുശ്രൂഷയിലേക്ക് സ്വാഗതം.
കൂടുതല് വിവരങ്ങള്ക്കും രജിസ്ട്രേഷനും വിളിക്കുക: സിജു സൈമണ് - 07983 556834
വിലാസം: Cefn Lea Christian Conference & Retreat Centre, Dolfor, Newtown, Wales SY16 4AJ