പറക്കുന്നതിന് മുമ്പുള്ള പരിശോധനയില്‍ സാങ്കേതിക തകരാര്‍ കണ്ടെത്തി. ചണ്ഡീഗഡില്‍ നിന്ന് ലഖ്‌നൗവിലേക്കുള്ള ഇന്‍ഡിഗോ വിമാനം റദ്ദാക്കി
Jun 23, 2025, 15:29 IST
ഡല്‍ഹി: ചണ്ഡീഗഡില്‍ നിന്ന് ലഖ്‌നൗവിലേക്കുള്ള ഇന്‍ഡിഗോ വിമാനമായ 6ഇ 146, പറക്കുന്നതിന് മുമ്പുള്ള പരിശോധനയില്‍ പൈലറ്റ് സാങ്കേതിക തകരാര്‍ കണ്ടെത്തിയതിനെ തുടര്‍ന്ന് റദ്ദാക്കി. സര്‍വീസ് ആരംഭിക്കുന്നതിനു മുന്‍പേ പ്രശ്നം കണ്ടെത്തിയതോടെ, വിമാനത്തിന് ടേക്ക് ഓഫ് അനുവദിച്ചില്ല.
എല്ലാ യാത്രക്കാര്‍ക്കും മറ്റ് വിമാനങ്ങളിലേക്കുള്ള ക്രമീകരണമോ മുഴുവന്‍ പണം തിരികെ നല്‍കലോ എയര്‍ലൈന്‍ വാഗ്ദാനം ചെയ്തു. സുരക്ഷ മുന്‍നിര്‍ത്തി എല്ലാ യാത്രക്കാരെയും സുരക്ഷിതമായി ഇറക്കിയതായി കമ്പനി അറിയിച്ചു.
വിമാനത്തിന്റെ അറ്റകുറ്റപ്പണി സംഘം സാങ്കേതിക തകരാര്‍ അന്വേഷിച്ചുവരികയാണ്. സംഭവത്തില്‍ ആര്ക്കും പരിക്കുകളോ അടിയന്തര സാഹചര്യങ്ങളോ ഉണ്ടായിട്ടില്ല.