പുനലൂരില്‍ കൊല്ലപ്പെട്ടത് ഇടതുകാലിന് സ്വാധീനമില്ലാത്ത പുരുഷന്‍. പെട്രോള്‍ ഒഴിച്ച് മൃതദേഹം കത്തിച്ചു. മരണകാരണം വലതുവാരിയെല്ലിനേറ്റ ആഴത്തിലുള്ള മുറിവ്
കൊല്ലം:കൊല്ലം പുനലൂരില്‍ റബ്ബര്‍ തോട്ടത്തില്‍ അജ്ഞാത മൃതദേഹം കണ്ടെത്തിയ സംഭവം കൊലപാതകമെന്ന് പൊലീസ്.
വലതുവാരിയെല്ലിനേറ്റ ആഴത്തില്‍ ഉള്ള മുറിവ് ആണ് മരണകാരണം.
മൃതദേഹം പുരുഷന്റെതെന്നും, ഇടതുകാലിന് സ്വാധീനമില്ലാത്തയാളാണെന്നും പൊലീസ് പറഞ്ഞു.
പുനലൂര്‍, മുക്കടവില്‍ സ്വകാര്യ വ്യക്തിയുടെ റബ്ബര്‍ തോട്ടത്തില്‍ ഇന്നലെയാണ് കൈകാലുകള്‍ ചങ്ങലയ്ക്ക് ബന്ധിപ്പിച്ച നിലയില്‍ മൃതദേഹം കണ്ടെത്തിയത്.
പാരിപ്പള്ളി മെഡിക്കല്‍ കോളജില്‍ നടത്തിയ പോസ്റ്റ്‌മോര്‍ട്ടം റിപ്പോര്‍ട്ടിന്റെ പ്രാഥമിക വിവരങ്ങളാണ് പുറത്ത് വന്നത്.
കൊല ചെയ്യപ്പെട്ടയാള്‍ക്ക് ഇടതുകാലിന് സ്വാധീനമില്ലെന്ന് പൊലീസ് പറഞ്ഞു.
കൊലപാതക ശേഷം പെട്രോള്‍ ഒഴിച്ച് മൃതദേഹം കത്തിച്ചുവെന്നുമാണ് പൊലീസ് നിഗമനം.
ഡിഎന്‍എ പരിശോധന നടത്തിയ ശേഷം മറ്റു സ്റ്റേഷനുകളിലെ മാന്‍ മിസ്സിംഗ് കേസുകളും പരിശോധിക്കും.
മൃതദേഹം കണ്ടെത്തിയ സ്ഥലത്ത് ഇന്ന് പൊലീസത്തി മെറ്റല്‍ ഡിറ്റക്ടര്‍ ഉപയോഗിച്ച പരിശോധന നടത്തി.
സൈബര്‍ പൊലീസും പ്രദേശത്ത് നിന്ന് വിവരങ്ങള്‍ ശേഖരിച്ചു.
ആളെ തിരിച്ചറിയാത്തതിനാല്‍ ഡിഎന്‍എ സാമ്പിള്‍ പരിശോധനയ്ക്ക് അയച്ചിരിക്കുകയാണ്.