ഗെയിം കളിക്കാന്‍ മൊബൈല്‍ ഫോണ്‍ നല്‍കിയില്ല; എട്ടാം ക്ലാസ് വിദ്യാര്‍ത്ഥി ജീവനൊടുക്കി
Jul 28, 2025, 16:55 IST
ആലപ്പുഴ: മാതാപിതാക്കള്‍ മൊബൈല്‍ഫോണ്‍ നല്‍കാത്തതിനെത്തുടര്‍ന്ന് എട്ടാം ക്ലാസ് വിദ്യാര്‍ത്ഥി ജീവനൊടുക്കി. ആലപ്പുഴ എടത്വ തലവടിയിലെ മോഹന്‍ലാല്‍-അനിത ദമ്പതികളുടെ മകന്‍ ആദിത്യനാണ് മരിച്ചത്.
രാവിലെ മൊബൈല്‍ ഫോണിനായി ആദിത്യന്‍ വഴക്കിട്ടിരുന്നു. ഗെയിം കളിക്കാനായി മൊബൈല്‍ എടുത്തപ്പോള്‍ അമ്മ തടഞ്ഞിരുന്നു. തുടര്‍ന്ന് പിണങ്ങി മുറിക്കകത്ത് കയറി വാതിലടയ്ക്കുകയായിരുന്നു.
ഏറെനേരം കഴിഞ്ഞും വാതില്‍ തുറക്കാത്തതിനെത്തുടര്‍ന്ന് നടത്തിയ പരിശോധനയിലാണ് തൂങ്ങിമരിച്ച നിലയില്‍ കണ്ടെത്തിയത്. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക,അതിജീവിക്കാന്‍ ശ്രമിക്കുക. അത്തരം ചിന്തകളുള്ളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 04712552056.